02.pdf p.41
sunjaci fiyelen.
第五回
latuha haha be jafame, yūn ge arga toktobuha.
捉奸情鄆哥定計
horonggo okto omifi u da ergen jociha.
飲酖藥武大遭殃
ši i gisun.
詩曰：
yebcungge ildamu sere juwe hergen i doro be hafu saci, sain salhabun serengge uthai ehe salhabun ombi.
參透風流二字禪，好姻緣是惡姻緣。
beliyen mujilen i yabure be niyalma tome buyecibe, anduhūri yasai tuwara de ya emke ubiyarakūni.
癡心做處人人愛，冷眼觀時箇箇嫌。
bigan i orho baitakū ilha be ume gurure bilara, unenggi banin etuhun beye ini cisui elhe ombi.
野草閑花休採折，真姿勁質自安然。
gaiha sargan ujiha jui an i jetere buda, mujilen wajime kidurakū bime ulin inu fayaburakū.
山妻稚子家常飯，不害相思不損錢。
tereci yūn ge, wang po de tantabufi, umesi fancafi jili tucibure ba akū, šulhe šoro be gaifi, u da be baime genehe. juwe giya be duleke bici, tuwaci u da šobin i damjan be damjalafi tob seme ishun jimbi.
話說當下鄆哥被王婆打了，心中正沒出氣處，提了雪梨籃兒，一逕奔來街上尋武大郎。轉了兩條街，只見武大挑着炊餅担兒，正從那條街過來。
yūn ge sabufi uthai ilifi, u da be tuwame hendume, ere ucuri simbe acahakū
bihe, si absi tulejehebi. u da damjan be sindafi hendume, mini cira da
an dabala, ai tulejehe babi.
鄆哥見了，立住了脚，看着武大道：「這幾時不見你，吃得肥了！」武大歇下担兒道：「我只是這等模樣，有甚吃得肥處？」
yūn ge hendume, bi cananggi maisei nijihe, {maisei nijihe, nikan hergen de mai fu sehebi. ere hehe uncambi sere gisun.} udaki seme babade baici bahakū bihe,
niyalma gemu sini boode bi sembi.
鄆哥道：「我前日要糴些麥稃，一地里沒糴處，人都道你屋裡有。」
【余按：此處滿文注裏說，maisei nijihe 漢字為「麥稃」，暗指「賣婦」。】
u da hendume, mini boode niyehe niongniyaha
ujirakū bime, ainaha maise nijihe, yūn ge hendume, sini boode maise
nijihe akū oci, si adarame uttu aisi bahai tulejefi, oncohon
umušuhun acinggiyaha seme aššarakū, mucen de bujuha seme sukdun akū ohoni.
武大道：「我屋裡並不養鵝鴨，那裡有這麥稃。」鄆哥道：「你說沒麥稃，怎的賺得你恁肥𦞂𦞂的
【余按：「𦞂」為僻字，「左月右荅」】，便顛倒提你起來也不妨，煮你在鍋裡也沒氣。」
u da hendume, ere ajige suisiru mimbe toorengge absi sain, mini sargan
geli eigen bairakū, mimbe ainu niyehe de duibulembi. yūn ge hendume,
sini sargan eigen bairakū, damu haha be hūlhambi.
武大道：「小囚兒，倒罵得我好。我的老婆又不偷漢子，我如何是鴨？」鄆哥道：「你老婆不偷漢子，只偷子漢。」
u da uthai yūn
ge be tatame jafafi hendume, uttu oci si latuha haha be minde gaji.
yūn ge hendume, si damu mimbe jafame sara dabala, tese be jafara bengsen
ainu akū.
武大扯住鄆哥道：「還我主兒來！」鄆哥道：「我笑你只會扯我，却不道咬下他左邊的來。」
u da hendume, sain deo si minde tere latuha haha we bihe be
ala, bi sinde juwan šobin ulebure. yūn ge hendume, šobin be ainambi si
minde ilan hūntahan nure omibu, bi uthai sinde alara.
武大道：「好兄弟，你對我說是誰，我把十箇炊餅送你。」鄆哥道：「炊餅不濟事。你只做箇東道，我吃三盃，便說與你。」
u da hendume, si
nure omime bahanaci, mimbe dahame yabu sefi, u da damjan be damjalafi,
yūn ge be gaifi, emu ajige nurei puseli de dosifi, udu šobin
tucibufi, yali majige udafi, nure emu tampin gaifi, yūn ge de
omibumbi.
武大道：「你會吃酒？跟我來。」武大挑了担兒，引着鄆哥，到箇小酒店裡，歇下担兒，拿幾箇炊餅，買了些肉，討了一鏇酒，請鄆哥吃着。
u da hendume, sain deo si minde alacina, yūn ge hendume, taka
ume ekšere, bi jeme wajiha manggi, sinde alara, si ume jili banjire, bi sinde
aisilame jafara.
武大道：「好兄弟，你說與我則箇。」鄆哥道：「且不要慌，等我一發吃完了，却說與你。你却不要氣苦，我自幫你打捉。」
yūn ge yali nure be jeme omime wajiha manggi, u da hendume,
si te minde alacina. yūn ge hendume, si bahafi saki seci, mini uju i
fuka be bišume tuwa. u da tuwafi hendume, ere ainaha fuka.
武大看那猴子吃了酒肉：「你如今却說與我。」鄆哥道：「你要得知，把手來摸我頭上的肐𦞂。」武大道：「却怎地來有這肐𦞂？」
yūn ge
hendume, bi sinde alara. bi enenggi emu šoro šulhe be gaifi, si men king de
beneme, babade baici baharakū, giya i niyalma alame, si men king, wang po i cai
puseli de bi, u da i sargan de latufi, inenggidari tubade yabumbi sere
jakade, bi tere be acafi, fulu emu udu jiha bahareo seme genehe
bihe. gūnihakū, wang po tere sakda ulha mimbe boode dosimburakū
tantame tucibure jakade, bi cohome simbe baihanjiha. tuttu ofi
teike emu juwe gisun i simbe korsobuha, si jili banjirakū bici
minde fonjire mujanggao.
鄆哥道：「我對你說，我今日將這籃雪梨去尋西門大官，一地里沒尋處。街上有人道：『他在王婆茶坊裡來，和武大娘子抅搭上了，每日只在那裡行走。』我指望見了他，撰他三五十文錢使。尀耐王婆那老豬狗，不放我去房裡尋他，大栗暴打出我來。我特地來尋你。我方纔把兩句話來激你，我不激你時，你須不來問我。」
u da hendume, ere baita yargiyan semeo. yūn ge
hendume, sini ere gese menen de, tere juwe niyalma esi baibi bahafi
cihai sebjeleci. si duka tucime jaka uthai wang po i boode genefi,
emu bade bimbikai. geli ai yargiyan tašan be fonjire babi, bi geli
aika simbe holtombio.
武大道：「真箇有這等事？」鄆哥道：「又來了，我道你這般屁鳥人！那廝兩箇落得快活，只專等你出來，便在王婆房裡做一處。你問道真箇也是假，難道我哄你不成？」
u da donjime wajifi hendume, deo bi sinde
gidarakū alara, mini ere hehe inenggidari wang po i boode etuku, sabu
weilembi seme genembi. amasi jici uthai dere fularambi. mini
nenehe sargan de, banjiha sargan jui be inenggidari tantame toome umai
buda uleburakū. ere emu juwe inenggi eibi haibi akū mimbe acaha
seme urgun akū. bi inu majige kenehunjeme bihe, sini gisun be donjici, ere
baita yargiyan oho. bi te damjan be sindafi, uthai jafame genehe de
antaka.
武大聽罷，道：「兄弟，我實不瞞你說，我這婆娘每日去王婆家裡做衣服，做鞋脚，歸來便臉紅。我先妻丟下箇女孩兒，朝打暮罵，不與飯吃，這兩日有些精神錯亂，見了我，不做歡喜。我自也有些疑忌在心裡，這話正是了。我如今寄了担兒，便去捉奸如何？」
yūn ge hendume, si bai amba haha sere gojime, umai bodogon akūni,
wang po tere sakda ulha umesi nimecuke niyalma, si adarame tere gala ci
tucime mutembi. tede urunakū somishūn temgetu babi. sini dosime
genere be tese saha de, uthai sini sargan be somimbi. sini adali orin
niyalma seme, si men king de hamimbio. aikabade jafame muterakū oci, nememe
emu jergi tantabumbi. tere (anghala)[anggala], si men king de menggun horon ambula bi,
amasi simbe fahame habšaha de, sini jalin faššara niyalma geli akū, urunakū
ergen beye de isinambi.
鄆哥道：「你老大一條漢，元來沒些見識！那王婆老狗，什麼利害怕人的人！你如何出得他手？他二人也有箇暗號兒，見你入來拿他，他把你老婆藏過了。那西門慶須了得！打你這般二十箇。若捉他不着，反吃他一頓好拳頭。他又有錢有勢，反告你一狀子，你須吃他一場官司，又沒人做主，乾結果了你性命！」
u da hendume, sini gisun gemu inu, damu mini ere
ki be adarame tucibure. yūn ge hendume, bi inu wang po de tantabufi
umesi korsohobi, bi sinde emu arga tacibure, si enenggi boode genehe manggi,
ume jili banjire, inu ume jondoro. kemuni da an i adali oso. cimari
šobin be gūwa inenggici komsokon arafi uncame tuci, bi giya i angga de
simbe aliyara. si men king ni dosime genere be saha de, uthai simbe
hūlara. si damu damjan damjalafi hanciki bade mimbe aliya, bi neneme dosifi,
tere sakda indahūn be nungneki. tere mimbe tantame tucike de, bi, mini
šoro be giya de maktara. si uthai bireme dosinju. bi wang po be
kafi tookabume bisire, si booi dolo dosifi, muribuha seme hūla, ere
arga (ataka)[antaka].
武大道：「兄弟，你都說得是。我却怎的出得這口氣？」鄆哥道：「我吃那王婆打了，也沒出氣處。我教你一着：今日歸去，都不要發作，也不要說，只自做每日一般。明朝便少做些炊餅出來賣，我自在巷口等你。若是見西門慶入去時，我便來叫你。你便挑着担兒只在左近等我。我先去惹那老狗，他必然來打我。我先把籃兒丟出街心來，你却搶入。我便一頭頂住那婆子，你便奔入房裡去，叫起屈來。此計如何？」
u da hendume, sini arga sain, damu deo be jobobuha.
minde juwe ulcin jiha bi. si gama. cimari erde jifi, dzi ši giya i
angga de mimbe aliya. yūn ge jiha bahafi, šobin jafafi genehe. u
da puseli de nurei jiha bufi, damjan damjalafi, emu jergi šobin
uncame feliyefi boode genehe.
武大道：「既是如此，却是虧了兄弟。我有兩貫錢，我把你去，你到明日早早來紫石街巷口等我。」鄆哥得了錢并幾箇炊餅，自去了。武大還了酒錢，挑了担兒，自去賣了一遭歸去。
tere hehe daci kemuni u da be toome,
tanggū hacin i gidašambihe. tere emu udu inenggici doro akū
baita be yabure jakade, arga akū u da de dahacambi, tere yamji
u da boode jifi, kemuni gūwa inenggi gese umai gūwa baita be
jondorakū.
原來這婦人，往常時只是罵武大，百般的欺負他。近日來也自知無禮，只得窩盤他些箇。當晚武大挑了担兒歸來，也是和往日一般，並不題起別事。
hehe hendume, si nure omimbio. u da hendume, teni gucuse
acafi, emu ilan hūntahan nure omiha. hehe uthai yamji buda dagilafi,
u da de ulebuhe.
那婦人道：「大哥，買盞酒吃？」武大道：「却纔和一般經紀人買了三盞吃了。」那婦人便安排晚飯與他吃了。當夜無話。
jai inenggi buda erin de, u da damu ilan mucen i šobin
arafi damjan damjalafi uncame genehe. tere hehe damu si men king be gūnihai
bifi, u da i šobin araha labdu komso be umai tuwahakū. tereci u da
damjan damjalafi hūdašame tucike. ere hehe ainambahafi terebe tucikini
sehengge, ekšeme wang po i boode jifi si men king be aliyambi.
次日飯後，武大只做三兩扇炊餅，安在担兒上。這婦人一心只想着西門慶，那裡來理會武大的做多做少。當日武大挑了担兒，自出去做買賣。這婦人巴不的他出去了，便踅過王婆茶坊裡來等西門慶。
u da, dzi ši
giya angga de genefi tuwaci, yūn ge šoro jafafi gūrakūšame tuwambi,
u da hendume, te antaka. yūn ge hendume, majige erde si emu jergi uncafi
jio. tere inu jime hamika, si damu hanciki bade aliya, goro ume
genere sere jakade, u da ekšeme emu jergi šobin uncafi amasi jihe
manggi, yūn ge hendume, si damu mini šoro maktara be tuwame uthai
bireme dosi sehe manggi, u da damjan be emu bade sindaha. erebe taka
gisurere ba akū.
且說武大挑着担兒，出到紫石街巷口，迎見鄆哥提着籃兒在那裡張望。武大道：「如何？」鄆哥道：「還早些箇。你自去賣一遭來，那廝七八也將來也。你只在左近處伺候，不可遠去了。」武大雲飛也似去賣了一遭兒回來。鄆哥道：「你只看我籃兒拋出來，你便飛奔入去。」武大把担兒寄下，不在話下。
tereci yūn ge šoro be jafafi, cai boode dosifi
wang po be toome hendume, ere sakda ulha, sikse ai turgun de mimbe
tantaha. wang po fe jili yendefi, uthai esukiyeme hendume, ere
ajige monio, sakda eniye bi simbe umai necihekū bime, si ainu
geli jifi mimbe tombi. yūn ge hendume, sini ere ma po lio, hehe
yarure sakda garingga indahūn, mini coco de isimbio.
却說鄆哥提着籃兒，走入茶坊裡來，向王婆罵道：「老豬狗！你昨日為甚麼便打我？」那婆子舊性不改，便跳身起來喝道：「你這小猢猻！老娘與你無干，你如何又來罵我？」鄆哥道：「便罵你這馬伯六，做牽頭的老狗肉，直我𩫻䯲！」
【余按：滿文 ma po lio 旁寫有漢字「馬泊六」，故 po 音不同於漢文本之「伯」。又「𩫻」為僻字，「上髟下己」。】
wang po ambula
jili banjifi, yūn ge be jafafi tantara de yūn ge den jilgan i sureme,
si ainu mimbe tantambi seme šoro be giya de makdaha. wang po tatame jafaki
sere de, yūn ge si damu tanta seme emgeri surefi, wang po i fejergi beye be
fita tebeliyefi emgeri cunggūšara jakade, fu sujabuhakū bihe bici
elekei tuhenembihe.
那婆子大怒，揪住鄆哥便打。鄆哥叫一聲：「你打我！」把那籃兒丟出當街上來。那婆子却待揪他，被這小猴子叫一聲「你打」時，就打王婆腰裡帶箇住，看着婆子小肚上，只一頭撞將去，險些兒不跌倒，却得壁子碍住不倒。
yūn ge bucetei fu de nikebume ujui sujame ilifi
tuwaci, u da tulergi ci etuku heteme amba okson i dosime jimbi. wang
po safi ekšeme ilibuki seci, yūn ge bucetei sujafi sindarakū ojoro
jakade, damu u da jihe seme hūlaha.
那猴子死命頂在壁上。只見武大從外裸起衣裳，大踏步直搶入茶坊裡來。那婆子見是武大，來得甚急，待要走去阻當，却被這小猴子死力頂住，那裡肯放！婆子只叫得「武大來也！」
pan gin liyan, si men king se donjifi,
booi dolo gala bethe aššame jabdurakū ofi, hehe uce be teng
seme sujaha. si men king golofi besergen i fejile ukaka. u da šuwe
dosifi uce be anaci, umai muterakū ofi, damu suweni yabuhangge
absi sain baita seme hūlambi.
那婦人正和西門慶在房裡，做手脚不迭，先奔來頂住了門。這西門慶便鑽入床下躲了。武大搶到房門首，用手推那房門時，那裡推得開！口裡只叫「做得好事！」
hehe šurgeceme uce be sujahabi,
geli hendume, an i ucuri sini coco i angga deri baibi beyebe
mangga sembihe, jingkini bade dule umai baitakū, ainu ere gese
hoošan i tasha de gelembini. ere gisun cohome si men king be tucifi
u da be tantafi, jugūn durifi genekini sehengge.
那婦人頂着門，慌做一團，口裡便說道：「你閑常時只好鳥嘴，賣弄殺好拳棒，臨時便沒些用兒！見了紙虎兒也嚇一交！」那婦人這幾句話，分明叫西門慶來打武大，奪路走。
si men king
besergen i fejile, hehe i ere gisun be donjifi, uthai ulhifi gūnin
bahafi hendume, minde bengsen akūngge waka, bengneli de gūnin isinahakū
sefi, uthai uce neifi hūlame hendume, ume jidere sere de, u da
dosinjiha be, si men king emgeri feshelere jakade, u da beye fangkala ajige
ofi, tob seme niyaman jaka goifi fuhali tuhenehe.
西門慶在床底下聽了婦人這些話，提醒他這箇念頭，便鑽出來說道：「不是我沒本事，一時間沒這智量。」便來拔開門，叫聲「不要來！」武大却待揪他，被西門慶早飛起脚來。武大矮小，正踢中心窩，撲地望後便倒了。
si men king tere
šolo de sujume genehe. yūn ge arbun waka be safi, inu wang po be
sindafi burulaha.
西門慶打鬧裡一直走了。鄆哥見勢頭不好，也撇了王婆，撒開跑了。
giya i gubci juwe dalbai niyalma gemu si men king ni
nimecuke be same ofi, gelhun akū ere baita de dahakū, wang po, u
da be tukiyefi ilibufi tuwaci, angga ci emdubei senggi eyembi. derei
boco sohon sorokobi. uthai pan gin liyan be hūlafi, muke omibufi
aitubuha manggi, juwe niyalma wahiyame amargi dukai deri boode
isibufi taktu de tafambufi dedubuhe.
街坊隣舍，都知道西門慶了得，誰敢來管事？王婆當時就地下扶起武大來，見他口裡吐血，面皮蠟渣也似黃了，便叫那婦人出來，舀碗水來救得甦醒，兩箇上下肩攙着，便從後門歸到家中樓上去，安排他床上睡了。當夜無話。
jai inenggi, si men king baita
tucikekū be safi, kemuni nenehe songkoi wang po i boode jifi,
pan gin liyan i emgi sebjeleme efime, damu u da i bucere be aliyambi.
次日，西門慶打聽得沒事，依前自來王婆家，和這婦人頑耍，只指望武大自死。
u da nimeme sunjaci inenggi otolo umai sain ojorakū dade,
geli muke šasihan gaji seci bure niyalma akū, inenggidari sargan be
hūlaci, umai jaburakū. pan ši damu fun fiyan ijume beyebe
hocikon miyamifi, tucime genefi, amasi jime uthai dere
fularambi.
武大一病五日不起，更兼要湯不見，要水不見，每日叫那婦人又不應。只見他濃粧艷抹了出去，歸來便臉紅。
sargan jui ing el geli pan ši de ergelebufi, ini
ama i jakade umai bahafi isinarakū. hehe golobume hendume, si minde
alarakū cisui tede muke omibuha de, bi sini baru gisurembi. ing
el tere gisun be donjifi, ai gelhun akū u da de (šašihan)[šasihan] muke omibumbi,
u da umesi fancafi ududu mudan gūwaliyašacibe, emu niyalma inu
herserakū.
小女迎兒又吃婦人禁住，不得向前，嚇道：「小賤人，你不對我說，與了他水吃，都在你身上！」那迎兒見婦人這等說，怎敢與武大一點湯水吃！武大幾遍只是氣得發昏，又沒人來采問。
emu inenggi u da sargan be hūlafi hendume, sini niyalma de
latuha be mini beye saha. si elemangga latuha haha de tacibufi,
mini niyaman jaka be feshelefi te banjici banjirakū, buceci
bucerakū oho, suwe elemangga sebjeleme banjimbi. bi bucehe seme ainambi.
suweni baru temšeme eljeme muterakū. damu mini deo u sung ni
banin hatan be, si sambi dere. aikabade boode jihe de, tere ekisaka
nakara mujanggo. si mimbe gosici hūdun mini nimeku be sain obu, mini
deo jihe manggi, bi inu tucibume alara ba akū. si mimbe tuwarakū
oci, tere jihe erin de, suweni baru gisurembi.
一日，武大叫老婆過來，分付他道：「你做的勾當，我親手捉着你姦，你倒挑撥姦夫踢了我心。至今求生不生，求死不死，你們却自去快活。我死自不妨，和你們爭執不得了。我兄弟武二，你須知他性格，倘或早晚歸來，他肯干休？你若肯可憐我，早早扶得我好了，他歸來時，我都不提起。你若不看顧我時，待他歸來，却和你們說話。」
pan gin liyan tere
gisun be donjifi, umai jaburakū, geli wang po i boode genefi, ere gisun be
giyan giyan i gemu wang po, si men king de alaha manggi, si men king donjifi,
uju de šahūrun muke buraha adali sesulafi hendume, waliyaha, ging yang
g'ang ni dabagan de tasha be tantame waha u sung be, bi daci sambi, damu
niyangdzi i emgi hajilame goidafi gūnin mujilen umesi acafi fakcame jenderakū.
ere gisun be tuwaha de, yargiyan i mangga, yala sui kai.
這婦人聽了，也不回言，却踅過王婆家來，一五一十都對王婆和西門慶說了。那西門慶聽了這話，似提在冷水盆內一般，說道：「苦也！我須知景陽崗上打死大虫的武都頭。我如今却和娘子眷戀日久，情孚意合，拆散不開。據此等說時，正是怎生得好？却是苦也！」
wang po
šahūrun injefi hendume, duibuleci si serengge cuwan i tuwancihiyakū
jafaha niyalma adali, bi šurukū jafaha niyalmai gese, bi hono gelerakū
bade, si ainu gelembi, si men king hendume, bi bai haha seme banjiha gojime,
ere gese bade umai icihiyame gamara encehen akū. sinde aika saha ba
bici, meni juwe nofi be karmame yooni obucina.
王婆冷笑道：「我倒不曾見，你是箇把舵的，我是箇撐船的，我倒不慌，你倒慌了手脚！」西門慶道：「我枉自做箇男子漢，到這般去處，却擺布不開。你有甚麼主見，遮藏我們則箇。」
wang po hendume, mimbe
karmame yooni obu seci, minde emu arga bi, suwe enteheme eigen sargan
oki sembio, taka eigen sargan oki sembio. si men king hendume, enteheme
eigen sargan ojoro, taka eigen sargan ojorongge adarame.
王婆道：「既要我遮藏你們，我有一條計。你們却要長做夫妻，短做夫妻？」西門慶道：「乾娘，你且說如何是長做夫妻、短做夫妻？」
wang po
hendume, taka eigen sargan oki seci, enenggici uthai fakcafi u da i
nimeku yebe oho manggi, u da de waka ali, u sung jihe de, umai
gisun akū ombi, amala u da geli tucifi yabure šolo de jai
ubade jifi aca. erebe taka eigen sargan sembi. aikabade enteheme
eigen sargan ofi inenggidari emu bade bime, sebjeleme umai gelere
olhoro ba akū oki seci, minde emu ferguwecuke arga bi, damu
suwende tacibure de mangga.
王婆道：「若是短做夫妻，你們就今日便分散。等武大將息好了起來，與他陪了話。武二歸來都沒言語，待他再差使出去，却又來相會。這是短做夫妻。你們若要長做夫妻，每日同在一處，不耽驚受怕，我却有這條妙計，只是難教你們！」
si men king hendume, araha eniye membe yooni
karmame enteheme eigen sargan obureo. wang po hendume, mini ere arga be
yabumbihede, emu jaka baibumbi, gūwa de gemu akū, abka banjibufi
damu da guwan žin i boode bi. si men king hendume, mini yasa be gaji
seci inu uhūfi bure dabala, baiburengge ai jaka.
西門慶道： 「乾娘，周旋了我們則箇，只要長做夫妻。」王婆道：「這條計用着件東西，別人家裡都沒，天生天化，大官人家裡却有。」西門慶道：「便是要我的眼睛，也剜來與你。却是甚麼東西？」
wang po hendume,
te u da i nimeku ujen oho be dahame, gala aššaci umesi
ja, da guwan žin, pi šuwang okto be majige gajifi niyangdzi de bu,
niyaman nimere de omire okto de suwaliyafi, ere makjan jaka be
oktolome wafi giran be jafafi, songko be burubuha de, u sung
udu jihe seme ainambi. julgei niyalmai henduhengge, sargan jui fonde
burengge ama eniye i ciha. anggasilafi eigen gairengge, beyei ciha
sehebi. eše geli aša i baita be daci ombio, eici hontoho
aniya, eici emu aniya ofi, sinagan jaluka erinde, da guwan žin gaifi
boode gamaka de, ere enteheme eigen sargan ofi, sakdantala uhei
sebjelerengge wakao. ere arga antaka.
王婆道：「如今這搗子病得重，趁他狼狽，好下手。大官人家裡取些砒霜，却交大娘子自去贖一帖心疼的藥來，却把砒霜下在裡面，把這矮子結果了。一把火燒得乾乾淨淨，沒了踪跡。便是武二回來，他待怎的？自古道：『幼嫁從親，再嫁繇身。』小叔如何管得暗地裡事！半年一載，等待夫孝滿日，大官人娶到家去。這不是長遠夫妻，諧老同歡！此計如何？」
si men king hendume, araha
eniye i ere arga ambula sain, julgei henduhengge, weihun sebjen be baiki
seci, bucetei faššambi sehebi. ainara emgeri uttu oho kai.
wang po hendume, ere arga, uthai orho be hadure de, fulehe be
geterembufi, jai dasame arsuburakū adali kai. da guwan žin genefi
hūdun gajifi, niyangdzi de afabume bu. bi niyangdzi de tacibure. baita
šanggaha manggi, minde ujeleme baili isibu. si men king hendume, tere
ini cisui bisirengge, si ume jondoro sehe.
西門慶道：「乾娘此計甚妙。自古道：欲求生快活，須下死工夫。罷罷罷！一不做，二不休。」王婆道：「可知好哩！這是剪草除根，萌芽不發。大官人往家去快取此物來，我自教娘子下手。事了時，却要重重謝我。」西門慶道：「這箇自然，不消你說。」
tugi i gūnin aga i mujilen ishunde hajilafi, boco de dosifi ilha de (holimbufi)[hūlimbufi?] umai nakarakū,
雲情雨意兩綢繆，戀色迷花不肯休。
eiterecibe niyalmai banjirengge hofun helmen i adali, niyalma wara arga be bucetei deribuhengge ai baita ni.
畢竟人生如泡影，何須死下殺人謀？
si men king genefi umai goidahakū pi šuwang okto gajifi, wang
po de alibuha, wang po, pan gin liyan i baru hendume, ere okto be
baitalara arga be, bi sinde alara, u da aikabade sini baru ergen be
aitubucina seme baime ohode, tere ildun de uthai ajige mujilen i
beye ci aljarakū erše. aikabade okto omiki seci, ere pi šuwang okto be
niyaman nimere de omibure okto de suwaliyafi uthai omibu. ehe sukdun
badaraka manggi, urunakū duha lakcame, guwejihe fakcame den jilgan i emgeri
surembi. si uthai jibehun be buheliyeme dasi, niyalma de ume donjibure,
jibehun be teng seme gida, doigonde muke emu mucen wenjefi boso emu farsi
sinda, oktoi horon badarame nadan sen ci urunakū senggi tucimbi.
femen de weihe saiha toron tucimbi. ergen yadaha manggi, jibehun be neifi,
bujuha boso be gaifi senggi be gemu geterembume fufi hobo de tebufi,
giran jafaha de, ai wajirakū sere babi.
且說西門慶去不多時，包了一包砒霜，遞與王婆收了。這婆子看着那婦人道：「大娘子，我教你下藥的法兒。如今武大不對你說教你救活他？你便乘此把些小意兒貼戀他。他若問你討藥吃時，便把這砒霜調在心疼藥裡。待他一覺身動，你便把藥灌將下去。他若毒氣發時，必然腸胃迸斷，大叫一聲。你却把被一蓋，不要使人聽見，緊緊的按住被角。預先燒下一鍋湯，煮着一條抹布。他那藥發之時，必然七竅內流血，口唇上有牙齒咬的痕跡。他若放了命，你便揭起被來，却將煮的抹布只一揩，都揩沒了血跡。便入在材里，扛出去燒了，有甚麼不了事！」
hehe hendume, ere arga mujakū
sain, damu bi umesi (bengse)[bengsen] akū. tere fonde icihiyame muterakū ohode
ainambi. wang po hendume, ere umesi ja, si fajiran be forime temgetu
obu, bi genefi sinde aisilara.
那婦人道：「好却是好，只是奴家手軟，臨時安排不得屍首。」婆子道：「這箇易得。你那邊只敲壁子，我自過來幫扶你。」
si men king hendume, saikan icihiyame
gama, cimari sunjaci ging de mejige gajime jimbi sefi booi baru genehe.
西門慶道：「你們用心整理。明日五更，我來討話。」說罷，自歸家去了。
wang po, pi šuwang okto be nijarame narhūn ufa arafi, hehe de bufi
somibuha. hehe boode genefi, taktu de tafafi, u da be tuwaci
ergen heni bi, bucere isikabi. hehe besergen i dalbade tefi holtome
songgombi. u da hendume, si ainu songgombi.
王婆把這砒霜用手捻為細末，遞與婦人，將去藏了。那婦人回到樓上，看着武大，一絲沒了兩氣，看看待死。那婦人坐在床邊假哭。武大道：「你做甚麼來哭？」
hehe yasa muke be
fufi hendume, bi emu erinde endebufi, si men king de eiterebufi
uttu oho, sini niyaman be feshelere be we gūniha. bi fonjici emu bade
sain okto bi, gajifi sinde omibuki seci, geli simbe kenehunjerahū seme
olhome ganahakū. u da hendume, si mimbe aitubuha de, yaya baita be gemu
gidafi, u sung jihe seme inu tuciburakū ojoro, si hūdun okto
gajifi minde omibu.
婦人拭着眼泪道：「我的一時間不是，吃那西門慶局騙了。誰想脚踢中了你心。我問得一處有好藥，我要去贖來醫你，又怕你疑忌，不敢去取。」武大道：「你救我活，無事了，一筆都勾。武二來家，亦不提起。你快去贖藥來救我則箇！」
hehe jiha gaifi, wang po i boode genefi, wang po
okto udafi gajiha manggi, hehe okto be gaifi taktu de tafanjifi,
u da de tuwabufi hendume daifu i gisun, ere okto be dobori
dulin de omi, jibehun dasime dedufi nei majige gaiha de, jai inenggi
uthai sain ombi sere. u da hendume, ambula baniha, bi te majige
amgaki. dobori dulin de okto acabufi minde omibu.
那婦人拿了銅錢，逕來王婆家裡坐地，却教王婆贖得藥來。把到樓上，交武大看了，說道：「這帖心疼藥，太醫交你半夜裡吃了，倒頭一睡，蓋一兩床被，發些汗，明日便起得來。」武大道：「却是好也。生受大嫂，今夜醒睡些，半夜調來我吃。」
hehe hendume, si
mujilen be sulakan sindafi amga. bi simbe eršere sefi, tuwahai abka
yamjiha. tereci dengjan dabufi, mucen de muke wenjefi boso be
belhefi, ilaci ging ni erinde, pi šuwang okto be hūntahan de
sindafi, muke emu moro gaifi taktu de tafafi fonjime, okto
aibide bi, u da hendume, mini cirku i dalbai derhi fejile bi,
si hūdun acabufi minde omibu.
那婦人道：「你放心睡，我自扶持你。」看看天色黑了，婦人在房裡點上燈，下面燒了大鍋湯，拿了一方抹布煮在鍋裡。聽那更鼓時，却正好打三更。那婦人先把砒霜傾在盞內，却舀一碗白湯，把到樓上，叫聲：「大哥，藥在那裡？」武大道：「在我蓆子底下枕頭邊，你快調來我吃！」
hehe okto be gaifi, pi šuwang
suwaliyafi sifikū i kūthūme acabume gaifi, hashū galai u
da be wahiyame ilibufi, ici galai okto omibumbi.
那婦人揭起蓆子，將那藥抖在盞子裡，將白湯沖在盞內，把頭上銀簪兒只一攪，調得勻了。左手扶起武大，右手把藥便灌。
u da emu
angga omifi hendume, ere okto absi omire de mangga. hehe hendume,
damu nimeku be yebe obuci wajiha, omire de mangga be aisembi.
u da geli emu angga omiki serede, hehe tere šolo de uthai
hūsutuleme suitame, emu hūntahan okto be yooni omibufi, u
da be sindafi, ekšeme jibehun ganaha, u da ara seme surefi hendume,
ere okto be omire jakade, nememe dolo nimeme deribufi, umai alime
muterakū ohobi.
武大呷了一口，說道：「大嫂，這藥好難吃！」那婦人道：「只要他醫得病好，管甚麼難吃！」武大再呷第二口時，被這婆娘就勢只一灌，一盞藥都灌下喉嚨去了。那婦人便放倒武大，慌忙跳下床來。武大哎了一聲，說道：「大嫂，吃下這藥去，肚裏倒疼起來。苦呀，苦呀！倒當不得了。」
pan gin liyan juwe jibehun gajifi, dere yasa
tuwarakū gemu buheliyeme dasiha. u da sureme hendume, bi fancame
hamirakū. hehe hendume, daifu i henduhengge, nei majige tucike de
yebe ojoro hūdun sembi. u da geli gisureki serede, hehe u da be
facihiyašame ilirahū seme, u da i beyei ninggude aktalame yalufi
umai aššaburakū teng seme gidaha. yala
這婦人便去脚後扯過兩床被來，沒頭沒臉只顧蓋。武大叫道：「我也氣悶！」那婦人道：「太醫分付，教我與你發些汗，便好的快。」武大再要說時，這婦人怕他掙扎，便跳上床來，騎在武大身上，把手緊緊的按住被角，那裡肯放些鬆寬！正是：
ufuhu niyaman nimenggi de carure,
油煎肺腑，
fahūn, duha tuwa de fucihiyalabure gese,
火燎肝腸。
niyaman i jaka šanggiyan jeyen i tokoro,
心窩裡如霜刀相侵，
hefeli dorgi g'ang ni loho i kūthūre adali
滿腹中似鋼刀亂攪。
beyei gubci šekefi, nadan sen ci senggi eyehe,
渾身冰冷，七竅血流。
weihe fita jumpi, ilan fayangga wang sy ceng hoton i dolo genehe.
牙關緊咬，三魂赴枉死城中；
monggon bilga[=bilha] olhofi, nadan muru wang hiyang tai ninggu de tafaka,
喉管枯乾，七魄投望鄉臺上。
na i loo de ehe okto de bucehe ice hutu nonggibuha,
地獄新添食毒鬼，
niyalmai jalan de latuha haha be jafara niyalma akū oho.
陽間沒了捉姦人。
u da emu juwenggeri den jilgan i surefi, emu jergi hebtešeme
fodofi duha guwejihe lakcafi bucehe. pan gin liyan jibehun neifi,
u da i weihe saifi, nadan sen ci senggi tucire be sabufi geleme
deribuhe. arga akū besergen ci ebufi fajiran be foriha manggi,
wang po asuki be donjifi, uthai ilifi amargi duka de jifi
fucihiyara jakade, hehe taktu ci wasifi duka neihe.
那武大當時哎了兩聲，喘息了一回，腸胃迸斷，嗚呼哀哉，身體動不得了。那婦人揭起被來，見了武大咬牙切齒，七竅流血，怕將起來，只得跳下床來，敲那壁子。王婆聽得，走過後門頭咳嗽。那婦人便下樓來，開了後門。
wang po
fonjime, baita muteheo akūn, hehe hendume, baita mutehebi. damu
mini gala bethe lalanji oho, icihiyame muterakū. wang po hendume, ede
ai mangga babi, bi sinde aisilara sefi, uthai etuku be hetefi, muke
emu hunio tebufi mabu gaifi, taktu de tafafi, jibehun be neifi,
u da i angga be neneme fufi, nadan sen i senggi be yooni mabulafi, etuku
etubufi, juwe nofi u da be tukiyefi taktu ci wasimbufi, uju
ijifi, mahala, etuku sabu etubufi, šanggiyan fangse i dere be
dasifi, emu ice jibehun be giran de dasifi, geli taktu de
tafafi, getuken icihiyafi boode genehe.
王婆問道：「了也未？」那婦人道：「了便了了，只是我手脚軟了，安排不得。」王婆道：「有甚麼難處，我幫你便了。」那婆子便把衣袖捲起，舀了一桶湯，把抹布撇在裡面，掇上樓來。捲過了被，先把武大口邊唇上都抹了，却把七竅淤血痕跡拭淨，便把衣裳蓋在身上。兩箇從樓上一步一掇扛將下來，就樓下將扇舊門停了。與他梳了頭，戴上巾幘，穿了衣裳，取雙鞋襪與他穿了，將片白絹蓋了臉，揀床乾淨被蓋在死屍身上。却上樓來，收拾得乾淨了，王婆自轉將歸去了。
pan gin liyan damu boo be
ujire niyalma seme holtome sureme songgombi. yaya jalan i hehesi
songgorongge ilan hacin bi, yasa muke, jilgan gemu bisire be songgombi
sembi, yasa muke bimbime jilgan akū be soksimbi sembi, yasa muke
jilgan gemu akūngge be surembi sembi, tere hehe hontoho dobori
surefi
那婆娘却號號地假哭起「養家人」來。看官聽說：原來但凡世上婦人哭有三樣：有淚有聲謂之哭，有淚無聲謂之泣，無淚有聲謂之號。當下那婦人乾號了半夜。
jai inenggi sunjaci ging de, si men king mejige gaime
jihe manggi, wang po narhūšame gemu alaha. si men king, wang po de
menggun tucibufi hobo udafi bene seme bufi, pan gin liyan i emgi hebešeki
seme ganabuha.
次早五更，天色未曉，西門慶奔來討信。王婆說了備細。西門慶取銀子把與王婆，教買棺材發送，就叫那婦人商議。
pan gin liyan jifi, si men king ni baru hendume, mini
eigen te bucehe. damu sinde akdahabi, amga inenggi ume onggoro.
si men king hendume, gege si ume mujilen joboro. hehe hendume, si
aikabade cashūlaha de ainambi. si men king bi cashūlaha de
uthai u da i gese okini.
這婆娘過來和西門慶說道：「我的武大今日已死，我只靠着你做主！不到後來網巾圈兒打靠後。」西門慶道：「這箇何須你費心！」婦人道：「你若負了心，怎的說？」西門慶道：「我若負了心，就是武大一般！」
wang po hendume, da guwan žin te emu
oyonggo baita bi, cimari abka gereme uthai hobo de tebumbi,
serebuhe de ja akū. giran tuwara ho gio serengge inu emu kimcikū
niyalma. aikabade hobo de teburakū ohode ainambi. si men king
injeme hendume, ere hūwanggiyarakū, ho gio de bi tacibure, tere
ai gelhun akū mini gisun be jurcembi. wang po hendume, da guwan žin
hūdun genefi tacibu, ume tookabure sehe manggi, si men king uthai
ho gio i jakade genehe. yala
王婆道：「大官人，如今只有一件事要緊：天明就要入殮，只怕被仵作看出破綻來怎了？團頭何九，他也是箇精細的人，只怕他不肯殮。」西門慶笑道：「這箇不妨事。何九我自分付他，他不敢違我的言語。」王婆道：「大官人快去分付他，不可遲了。」西門慶自去對何九說去了。正是：
ilan elden de helmen bicibe we aliyame mutembi, tumen baita de fulehe akū niyalmai cisui dekdebumbi.
三光有影誰能待，萬事無根只自生。
nimanggi dorgi gūwasihiya deyehe manggi teni sabumbi, fodoho de somiha ingguhe gisureci teni donjimbi.
雪隱鷺鷥飛始見，柳藏鸚鵡語方聞。
