《滿蒙漢合璧教科書》第六冊第十四課 奇異植物

juwan duici tacibure kicen, ferguwecuke aldungga tebure jaka, 第十四課　奇異植物

aššara jaka oci ulhicun bihe gojime, 動物有知覺
tebure jaka oci tuttu waka, 而植物則否
tuttu seme tebure jaka i ulhicun, 然植物之知覺
ememu aššara jaka de adališarangge bi, 或有類於動物者
gala i heteme ikūri orho be cunggūšaci, 以手觸含羞草
terei abdaha uthai ikūfi, 其葉遂縮
gargan inu wasihūn labdahūn, 枝亦下垂
ere musei urse kemuni saburengge kai, 此吾人所常見也
geli umiyaha jafari orho sehengge bi, 又有所謂捕蟲草者
abdahai ninggude funiyehe bi, 葉上有毛
funiyehe i dolo šugi bi, 毛中有液
galman derhuwe i duwali, 蚊蠅之屬
emu erin terei funiyehe de cunggūšaci, 偶觸其毛
heteme jembi, 則卷而食之
goidahai wacihiyame singgefi, 積久盡消
jaka be jefi guwejihe de dosika adali, 如食物之入胃然
ememu ajige gūwaššan ihan i yali be maktaci, 或以小片牛肉投之
terei jeburengge galman derhuwe i adali, 其被食猶蚊蠅也
ai, 噫
inu ferguwecuke kai. 亦奇矣