sunjaci tacibure kicen, mederi fere, 第五課 海底
mederi muke boljon akū de, 海水不波
terei necin buleku i adali, 其平如鏡
den de tafafi goro karaci, 登高遠望
hūwai seme jecen dalin akū, 茫無際涯
mederi fere oci nuhaliyan huru kekte kakta, 海底則凹凸高下
olhon ba i alin holo i adali, 如陸地之山谷
gasha gurgu orho moo, 禽獸草木
gemu olhon ba de banjimbi, 皆產於陸地
tuttu seme mederi doloi aššara tebure jaka, 然海中動植物
duwali hacin inu umesi largin, 種類亦甚繁
mederi jakarame tehe irgen, 濱海居民
mukei banin de dubifi, 習於水性
ajige jahūdai be selbime, 能駕小舟
julesi amasi gelecuke colkon gūwacihiyalacuka boljon i dolo yabume mutembi, 往來驚濤駭浪中
geli futa i dara be hūwaitafi, 又能以繩繫腰閒
mederi fere de šuseme wasibume mutembi, 縋入海底
banjire jakai baitalan bisirengge be ucaraha dari, 每遇生物之有用者
uthai gaifi, 輒取之
goro bade juweme tuweleme, 販運遠方
jiramin aisi be gaimbi, 以博厚利
ainci mederi dalin i niyalma, 蓋海濱之人
terei mederi be tuwarangge, 其視海也
usisi i usin be tuwara ci encu akū kai, 無異農夫之視田
mederi doloi aššara tebure jaka, 海中動植物
arbun durun banin giru, 形狀性質
olhon bade banjiha ci encu, 與產於陸地者異
ainci mederi muke de acanambidere, 蓋適於海水也
aika olhon bade guribume sindaci, 若移置陸地
banjime muterakū, 則不能生活
olhon ba de banjihangge, 猶產於陸地者
mederi dolo buribuci, 淹沒海中
bucerakūngge akū i adali kai, 則無有不死也
giyang yoo jū 江瑤柱 mederi sokji 海藻 hai du sung jakdan 海杜松
mederi i niyamala 海苔 mederi jakdan 海松 sengguji 水母
tarhūn 蛤 jin hai šu singgeri 金海鼠 gin we buren 錦渦
ajige tarhūn 蚶 kijimi 海參 šuru 珊瑚 tarhūn 蚌
fulgiyan buren 紅螺 gioi miyan ši wehe 菊面石 mederi yohan 海緜
mu li tarhūn 牡蠣 mederi sampa 龍蝦 malta 海馬 kalfini 比目魚
o nimaha [鱸?] ši giowei ming tarhūn 石決明 mederi gūlmahūn 烏賊
šeng tarhūn 蟶 mederi ujirhi 海貍 mederi hailun 海獺
dulan nimaha 鯊 hurugan 玳瑁 ajin nimaha 鱘 ging nimaha 鯨
沒有留言:
張貼留言