ningguci tacibure kicen, feten usiha hesebun, 第六課 星命
niowanggiyan niohon fulgiyan fulahūn suwayan sohon šanyan šahūn sahaliyan sahahūn, 甲乙丙丁戊己庚辛壬癸
erebe abkai cikten sembi, 是謂天干
singgeri ihan tasha gūlmahūn muduri meihe morin honin bonio coko indahūn ulgiyan, 子丑寅卯辰巳午未申酉戌亥
erebe na i gargan sembi, 是謂地支
julgei niyalma cikten gargan i gebu be banjibufi, 古人制干支之名
aniya biya inenggi erin i temgetu be ejehe dabala, 以記年月日時之號耳
šumin gūnin bifi terei dolo baktambuhangge waka kai, 非有深意寓其中也
amaga jalan i fangga niyalma i feten usiha hesebun be gisurerengge, 後世術士之言星命者
uthai niyalmai wesihun fusihūn yadahūn bayan aldasi jalgan be, 輒謂人之貴賤貧富夭壽
gemu hesebun de bi, 皆主於命
terei banjiha erin i cikten gargan be tuwame, 視其生時之干支
emu jalan i jobolon hūturi be aname bodoci ombi sehede, 可推終身之禍福
jalan i niyalma hūlimbuci, 世人惑之
ten i mentuhun seci ojoro dabala, 可謂至愚也已
musei gurun i niyalmai anggala be duin tumen tumen seme tukiyehebi, 我國人口號稱四萬萬
hanciki erin i uherileme bodoro urse henduhe songkoi, 依近時統計家言
emu erin i banjiha ton, 一時生產之數
acangge juwe minggan nadan tanggū fulu niyalma bahambi seme, 當得二千七百餘人
terei aniya biya inenggi erin i cikten gargan, 其年月日時之干支
yargiyan i encu akū kai, 固無以異也
yala fangga niyalma i gisun i adali oci, 果若術士言
ere juwe minggan fulu niyalmaningge, 則此二千餘人者
terei wesihun fusihūn yadahūn bayan aldasi jalgan, 其貴賤貧富夭壽
emu adali akūngge akū hamimbikai, 將無一而不同矣
abkai fejergi de aika ere giyan bio. 天下甯有是理耶
沒有留言:
張貼留言