juwan ningguci tacibure kicen, jeo gurun i io wang, 第十六課 周幽王
jeo gurun i io wang, boo sy de hūlimbufi, 周幽王惑於褒姒
tucire dosire de urunakū emgi sasa tefi, 出入必與之同乘
feksime yabume sijileme buthašame, 驅馳弋獵
boo sy i gūnin de acanambi, 以適褒姒之意
boo sy banin de injere be buyerakū, 褒姒性不喜笑
wang imbe injebuki seme, 王欲其笑
eiten hacin i argadacibe, 萬端
kemuni injehekū, 故不笑
wang an i ucuri holdon i karan obume sahafi, 王嘗為烽燧
goloi beisei emgi boljome henduhengge, 與諸侯約曰
hūlha isinjirengge bici, 有寇至
dulembure de, 則舉之
goloi beise acarangge yooni danjikini sehe bihebi, 諸侯當悉來援
io wang boo sy be urgunjebuki seme, 幽王欲悅褒姒
terei jalin holdon be dulembume, 為舉烽火
goloi beise isinjiha gojime hūlha akū ojoro jakade, 諸侯至而無寇
boo sy uthai fancame injehe, 褒姒乃大笑
terei amala wargi aiman i niyalma io wang be afara de, 其後戎人攻幽王
wang holdon i karan be dulembufi cooha be fideci, 王舉烽燧徵兵
goloi beise akdarakū, 諸侯不信
gemu isinjihakū ofi, 皆莫至
wargi aiman i niyalma uthai io wang be lii šan alin i fejile waha, 戎人遂殺王於驪山下
boo sy be oljilame genehebi. 虜褒姒而去
沒有留言:
張貼留言