Vider le imagine super Wikimedia
Le Follo
Le Mago
Le Sacerdotessa
Le Imperatrice
Le Imperator
Le Hierophante
Les Amantes
Le Carriot
Le Fortia
Le Eremita
Rota de Fortuna
Justitia
Le Pendite
Le Morte
Le Temperantia
Le Diabolo
Le Turre
Le Stella
Le Luna
Le Sol
Le Judicamento
Le Mundo
Le Follo
- Le follo: anima pur.
- Rosa blanc: puritate del anima, stato original non polluite per le mundo material.
- Sacco e baston: portante le experientias del vita passate o le potential divin (baston), preparate a intrar in le mundo material pro comenciar un viage.
- Margine del precipitio: frontiera inter le mundo spiritual e le mundo material. Ille es preste a saltar ab le spiritualitate pur de alte dimensiones (divinitate) in le universo material manifestate (nascentia como humano).
- Sol blanc: lumine del fonte divin, illuminante le via descendente del anima.
- Parve can blanc: instinctos e natura animal. Un companion que accompania e adverti le anima super le periculos in le mundo physic.
- Postura de reguardar in alto: confidentia absolute e innocentia. Le attention es fixate super le dimension divin in loco de obstaculos terrestre.
- Pluma rubie: fortia vital, passion, e connexion con le elemento del aere (spirito e intellecto libre).
- Montanias nival in le fundo: alte nivellos de comprehension spiritual lassate retro, o le grande defias futur in le viage material.
- Tunica colorate con motivos floral: gaudio de viver, innocentia, e le multiplicitate de experientias potential displicate in le universo.
Le Mago
- Mano dextere levate con baston e mano sinistre verso le terra: le axioma hermetic "como in alto, assi in basso". canalisante le energia divin e spiritual pro manifestar lo in le mundo material.
- Symbolo de infinitate super le capite: potential infinite, vita eterne, e connexion con le mente divin superior.
- Quatro elementos super le tabula (baston, cuppa, spada, pentaculo): maestria super le quatro elementos alchimic (foco, aqua, aere, terra). Possession de tote le instrumentos necessari pro le creation e manifestation in le realitate.
- Cinctura de serpente (ouroboros): eternitate, infinite cyclos de tempore, e renovamento continue de vita e energia.
- Tunica blanc sub mantello rubie: puritate de intention e spirito (blanc) coperte per le desiro, passion, e action consciente (rubie) in le mundo physic.
- Rosas rubie e lilios blanc: le jardin del mente e de creation. Desiros material e passiones (rosas rubie) cultivate harmoniosamente con pensamento pur e veritate spiritual (lilios blanc).
- Fundo jalne: intellecto clar, conscientia eveliate, e lumine de activitate mental.
Le Sacerdotessa
- Columnas B (nigre) e J (blanc): dualitate, equilibrio de oppositos in le universo (obscuritate e lumine, passivitate e activitate).
- Velo con granatos e palmas: barriera inter le mundo consciente e subconsciente. Fertilitate feminin, abundantia, e le mysterios celate.
- Rolo TORA in manos: le lege divin, memoria universal, o cognoscentia esoteric occulte. Sagessa que es revelate solo a illes que son preparate pro reciper lo.
- Luna crescente al pedes: intuition, cyclos natural, intuition psychic, e energia feminin.
- Corona de tres phases lunar: le triple deessa (luna crescente, plen, e decrescente), magia celestial, e le aspecto divin feminin.
- Cruce solar super le pectore: equilibrio de quatro elementos, intersection inter le spirito e le materia in le corde.
- Aqua brillante post le velo: le vastitate del mente subconsciente, secretos universal, e emotiones profunde que flue sub le superficie.
- Tunica blau fluente: spiritualitate, tranquillitate, e le abyssos del veritate interior celate ab le mundo exterior.
Le Imperatrice
- Corona de dece-duo stellas: le dece-duo signos zodiacal e le cyclo del anno. Connexion con le macrocosmo, le universo, e le tempore.
- Scuto con symbolo de Venus: le deessa del amor, beltate, e harmonia. Le energia feminin supreme e le fortia del attraction.
- Campo de frumento al pedes: fertilitate, abundantia material, le recolta de lo que ha essite seminate, e le nutrimento terrestre.
- Aqua fluente e cascada: le fortia del vita, emotiones que flue liberemente, e le energia vital continue que irriga le terra.
- Sede luxuose con cossinos rubie e jalne: luxo, conforto, gaudio physic, e le appreciation profunde del mundo material e sensual.
- Tunica blanc con motivos de granatos: fertilitate, passion, e le capacitate de dar vita a nove ideas, projectos, o esseres.
- Arbores verde e foreste: le fortia constante del natura, elasticitate, e le cyclo eterne de crescentia e renovamento.
- Sceptro con globo: poter super le mundo natural, dominion pacificate, e le capacitate de governar per amor e abundantia in loco de fortia.
Le Imperator
- Sede de petra con capites de ariete: rigiditate, estabilimento solide, e connexion con le signo zodiacal Aries (energia, ambition, liderato).
- Armatura sub le tunica rubie: preparation constante pro defender su regno, disciplina stricte, e protection contra le chaos.
- Tunica rubie: passion regulate, fortia de voluntate, poter terrestre, e activitate vigorose in le mundo material.
- Globo e sceptro (cruce ansate): dominio super le materia, autoritate supreme, e le poter de dar e sustener le vita e le ordine.
- Montanias aride in le fundo: fortia inflexibile, realitate dur, estabilitate, e fundation inalterabile in contrasto con le natura fertile del Imperatrice.
- Barba blanc e longe: sagessa accumulate trans le tempore, experientia profunde, e le figura de un patre o un patriarcha.
- Corona de auro: soveranitate supreme, derecto de governar, e claritate de pensamento rational e logic.
- Parve rivo: emotiones (aqua) submittite al intellecto e al regulation, presensate solmente in un maniera controlate in le base de su regno.
Le Hierophante
- Tiara papal (triregno): le tres mundos (consciente, subconsciente, e superconsciente), e le dominio super le regnos material, astral, e spiritual.
- Sceptro a tres cruces (cruce papal): le trinitate, le poter religiose externe, e le spirito que penetra le tres mundos.
- Duo columnas de petra: le institutiones de credentia establite, le lege e le libertate, e le dualitate submittite al structura orthodoxe.
- Duo clericos (initiatos): le transmission del sagessa, studentes que recipe le doctrina, e le dualitate del intellecto e del desiro in le processo de apprendimento.
- Claves cruciate (auro e argento): le claves del celo e del conscientia, aperiente le mysterios exoteric e esoteric, harmonisante le energia solar (consciente) e lunar (subconsciente).
- Tunica rubie supra vestimento blanc e blau: le autoritate externe e le poter in le mundo physic (rubie) fundate super le veritate interior (blau) e le puritate del intention spiritual (blanc).
- Gesto de benediction (duo digitos elevate): le instruction orthodoxe exoteric, le connexion inter le gratia divin e le humanitate, e le benediction del regula e structura establite.
Les Amantes
- Angelo (Raphael): le supra-conscientia, sanation, benediction divin, e le elemento del aere. Le presentia de un fortia superior que unifica e protege.
- Sol brillante: illumination, lumine divin, veritate cosmic, e le fonte de energia vital e amor universal.
- Homine nude (Adam): le mente consciente, intellecto, e ratione. Ille reguarda le femina, monstrante que le intelecto debe passar per le intuition pro attinger le divinitate.
- Femina nude (Eva): le mente subconsciente, intuition, e emotion. Illa reguarda le angelo, indicante que le subconscientia es le receptaculo e canal natural pro le missages del supra-conscientia.
- Arbore del vita (post le homine): dece-duo flammas que representa le dece-duo signos zodiacal, passion active, e le desiro vital que propelle le humanitate.
- Arbore del cognoscentia (post le femina): le serpente e cinque pomos (le cinque sensos physic), representante le sapientia terrestre, tentation material, e le dualitate de bon e mal.
- Nuditate: vulnerabilitate, puritate original, innocentia, e le stato de non haber secretos, pretentiones o velos inter le esseres e le divinitate.
- Montania in le fundo: aspirationes profunde, le culmine del union e passion, o le defias in le viage terrestre que require effortio pro esser superate.
Le Carriot
- Auriga (guerrero): le ego o mente consciente, fortia de voluntate, controlo disciplinate, e le capacitate de superar obstaculos.
- Sphinges blanc e nigre: fortias opposite, dualitate (lumine e obscuritate, positive e negative, instinctos e emotiones). Illes tira in directiones differente sed son alignate per le auriga.
- Absentia de redinas: dominio mental e spiritual super le fortias physic e emotional. Le controlo es attingite per le foco del voluntate in loco de fortia brute.
- Baldachino con stellas de sex punctas: influentias celestial, protection divin, le macrocosmo, e le magia celestial que coperi le viage.
- Lunas crescente super le spatulas (Urim e Thummim): energia lunar, intuition, e le maestria super le emotiones e le cyclos de alteration.
- Quadrato super le pectore: le elemento del terra, estabilitate material, ordine, e le fundation firme del voluntate e del lege.
- Disco alate e symbolo de lingam-yoni super le carriot: union de energias masculin e feminin, le spirito elevate super le materia, e symbolos de protection e evolution spiritual (con influentia egyptie).
- Citate e rivo in le fundo: lassar retro le securitate, le civilisation e le confortos material pro exequer un mission exterior. Le emotiones (aqua) flue post le carriot, indicante que illos es lassate retro o submittite al direction in avante.
Le Fortia
- Femina in blanc: puritate de spirito, amor, patientia, e fortia spiritual que doma le natura bestial sin fortia brute.
- Leon rubie: instinctos animal, passiones crude, desiro physic, e le energia primal submittite al conscientia superior.
- Symbolo de infinitate super le capite: potential infinite, connexion divin, maestria spiritual super le materia, e energia vital inexhauribile (simile al Mago).
- Manos claudente le bucca del leon: dominio de desiros e timores per mansuetude e fortia interior, e non per aggression o suppression violente.
- Guirlanda de rosas e cinctura floral: ligamines de amor e harmonia in loco de catenas de ferro. Le beltate del natura que unifica le spirito e le materia.
- Tunica blanc: puritate de intention, innocentia spiritual, e absentia de malitia o egoismo.
- Montania in le fundo: elevation spiritual, estabilitate, o defias terrestre que pote esser superate con patientia e fortia de voluntate.
- Fundo jalne: conscientia active, lumine divin, claritate mental, e energia spiritual que illumina le action.
Le Eremita
- Lanterna: lumine del veritate divin, guida interior que illumina le via in le obscuritate del ignorantia.
- Stella de sex punctas in le lanterna: le sigillo de Salomon, sagessa celestial, union del macrocosmo e microcosmo, e lumine spiritual isolate.
- Baston: appoio in le viage spiritual, autoritate derivate del experientia, e connexion firme con le terra.
- Mantello gris: neutralitate, distachamento del passiones mundan, invisibilitate, e concentration isolate.
- Picco de montania nival: isolation, elevation spiritual, le culmine del cerca de sagessa, e le frigiditate del distantia ab le turba material.
- Reguardo in basso: introspection profunde, reflexion super le passato, e le disposition de illuminar le via pro alteres que ascende post ille.
- Barba blanc e vetulessa: etate avantiate, experientia accumulate per le tempore, e maturation de pensamento.
Rota de Fortuna
- Le rota: le cyclo eterne del universo, alterationes constante de fortuna, e le lege de causa e effecto.
- Le sphinge azul con spada (super le rota): Horus(?) o le principio de estabilitate, sagessa, equilibrio spiritual, e le veritate que supervive le fluctuationes del tempore.
- Anubis (figura rubie ascendente): Hermano-anubis (Hermes), evolution, le intelligentia que ascende verso le lumine, e fortias positive de crescentia.
- Typhon (serpente jalne descendente): le deo egyptie de chaos, involution, le descensita in le mundo material, e fortias de destruction o declino.
- Le quatro creaturas alate (angelo, aquila, leon, tauro): le quatro signos fixe del zodiaco (Aquario, Scorpion, Leon, Tauro), le quatro evangelistas, e le stabilitate cosmic in le quatro angulos del universo.
- Libros in manos del creaturas: le Tora, le registros akashic, o le sagessa divin que remane inalterabile in le medio del alterationes mundan.
- Litteras T-A-R-O: ROTA (rota), TORA (lege), ORAT (parla), TARO (tarot). Le cyclo continue del lege divin que governa le creation.
- Litteras hebraic (yod-he-vau-he): le tetragrammaton (le nomine ineffabile de Deo), indicante le presentia del divinitate in tote le eventos del destino.
- Symbolos alchimic (in le centro del rota): mercurio, sulfure, sal, e aqua (dissolution). Le principios e elementos fundamental del creation e transformation alchimic.
- Nubes in le fundo: le presentia divin, le dimension celestial, e le fortias invisibile que move le destino ultra le controlo human.
Justitia
- Spada elevate in mano dextere: logica, intellecto clar, capacitate de scinder le illusiones, e le execution del decision final per le fortia del mente.
- Balancia in mano sinistre: equilibrio, impartialitate, ponderation del evidentias, e le lege de causa e effecto (karma).
- Duo columnas de petra: structura material e spiritual, dualitate balanciate submittite al lege universal.
- Velo purpuree inter columnas: le barriera inter le mundo material e le sagessa occulte, majestate, e le veritate profunde celate detra le leges exoteric.
- Corona con joiel quadrate: pensamento structurate, ordine mental, autoritate terrestre guidate per ration clar e estabilitate (le quadrato).
- Tunica rubie e mantello verde: autoritate e action in le mundo physic (rubie) balanciate con compassion, empathia, e le ordine harmoniose del natura (verde).
- Scarpa blanc visibile sub le tunica: intention pur, fundation spiritual e moral de actiones juste, e passos guidate per le veritate absolute.
- Fundo jalne: conscientia active, illumination mental, claritate intellective, e judicamento objective libere de obscuration emotional.
Le Pendite
- Homine pendite a reverse: suspension del action physic, inversion del valores mundan, vider le mundo con un angulo totalmente differente.
- Arbore in forma de littera tau (cruce): ligno vivente, le cruce de sacrificio, le intersection inter le divin e le terrestre.
- Aureola brillante circa le capite: illumination spiritual, intellecto superior eveliate per le sacrificio, lumine del conscientia in le passivitate.
- Gambas cruciate in forma de quatro (4): le mundo material e le quatro elementos cruciate per le spirito, o le cruce fylfot (symbolo de energia solar e evolution).
- Manos ligate detra le dorso: submission voluntari, renunciation del controlo egocentric e del action physic, acceptation del destino.
- Tunica blau e pantalones rubie: le fluiditate del emotiones e spiritualitate (blau) super le passion e le corpore physic (rubie), invertite pro monstrar le domination del spirito.
- Expression placide in le visage: pace interior, sacrificio sin dolor, acceptation profunde in loco de punition o suffrentia.
- Folias verde super le arbore: le vitalitate e fortia de vita que continua nonobstante le suspension, indicante que le sacrificio fructificara.
- Fundo gris: neutralitate, le stato de transition inter le lumine e le obscuritate, e le absentia de distractiones mundan.
Le Morte
- Skeleto in armatura: le essentia inalterabile que remane post le destruction del carne, le invulnerabilitate absolute. Armatura nigre como symbolo de fin, mysterios e progression inexorabile.
- Cavallo blanc: puritate del processo de transformation, le vehiculo natural e inarrestabile del fin que arriva sin malitia.
- Bandiera nigre con rosa blanc de cinque petalos: le rosa mystic (puritate, vita spiritual, e le cinque sensos o elementos) super le fundo nigre (morte, tenebras e absorption). Le promissa de nove vita in le sino del destruction.
- Figuras super le terra (rege, episcopo, femina, infante): le universalitate e impartialitate del fin; necun rango terrestre, credentia, etate o emotion pote lo evitar. Le poter material (rege cadite) es destruite, le fide (episcopo) preca e accepta, le emotion (femina) resiste o plora, le innocentia (infante) lo incontra vis-a-vis sin timor.
- Sol nascente inter duo turres: le immortalitate del anima, le prime lumine de un nove die, e le sperantia de un nove initio post le periodo de obscuritate. Le porta verso le dimension divin.
- Fluvio e nave in le fundo: le aquas del transition (como le fluvio Styx), le fluxo constante de alteration universal, e le viage continue del animas verso nove formas.
Le Temperantia
- Angelo (Raphael o Michael): le supra-conscientia, equilibrio spiritual, protector divin e intercessor inter le celo e le terra.
- Duo cuppas e aqua fluente: le fluxo eterne del energia vital, alchimia interior, combination de fortias opposite, e le harmonisation del dualitate sin perdita de essentia.
- Un pede in aqua e un pede sur terra: equilibrio perfecte inter le mundo material (terra, logica, realitate) e le mundo subconsciente (aqua, emotiones, intuition).
- Disco solar super le fronte: illumination spiritual, conscientia supreme, foco mental, e le lumine del veritate interior.
- Triangulo in un quadrato super le pectore: le spirito (triangulo) manifestate e includite in le materia (quadrato), le equilibrio del elementos, e le presentia divin in le corpore physic.
- Fiores de iris: le deessa Iris (messagero divin e iride), sperantia, pace, e le promissa de un resolution harmoniose post le transformation (morte).
- Via verso le montanias e corona brillante: le sentiero ardue sed claremente definite verso le illumination, le viage del anima de retorno al fonte divin ("kether" in le arbore del vita).
- Alas rubie: energia vital elevate, passion purificate e spiritualisate, e le capacitate de transcender le limitationes terrestre.
Le Diabolo
- Figura de Baphomet (diabolo con capite de capro): natura animal, instinctos basse, materialismo absolute e ignorantia spiritual.
- Pentaculo invertite (super le fronte): le materia super le spirito, le inversion del ordine divin, e le domination del desiros terrestre super le intellecto.
- Alas de vespertilion: creatura del nocte, vivente in le tenebras del ignorantia, e vampirismo energetic (absorbente energia in loco de dar lo).
- Cubo nigre (pedestal): le mundo material, realitate physic sin lumine spiritual, e le limitationes inflexible del existentia tridimensional.
- Catenas laxe (al collo): sclavitude voluntari, illusiones de impotentia, captivitate per ignorantia, e le facto que le ligamines pote esser removite liberemente si on lo decide.
- Homine e femina nude con cornos: le mesme figuras del carta "les Amantes" sed corrupte per le materialismo, descendite a un stato bestial (cornos).
- Cauda in flamma (homine) e cauda de uvas (femina): passiones destructive e desiros sensual corrupte, le abuso del foco vital e del abundantia material (addiction o obsession).
- Torcha invertite: energia vital mal usate, destruction, passion consumptive que non illumina le mente, e le suppression del flamma spiritual.
- Fundo nigre: le absentia absolute de lumine divin, depression, cecitate spiritual, e le abysso del subconscientia corrupte.
Le Turre
- Turre fulminate: destruction de credentias e structuras false, ruina del ego, e le choc del veritate absolute que destrue le muros de prision construite per le ignorantia.
- Fulmine: le foco de illumination, veritate divin que frange le ignorantia e orgolio in un momento, un choc subite e inevitabile de conscientia.
- Corona cadente: perdita de autoritate temporal e intellectual, destruction de orgolio e ambitiones material. Le mente logic es superate e destituite per le fortia divin.
- Duo figuras cadente in le abysso: le ruina universal e le perdita de securitate. Le destruction evelia ambe le mente consciente e subconsciente, e necun rango social pote evitar iste judicamento del veritate.
- Vinti-duo guttas de foco (yods hebraic): energia divin (gratia) descendente in le mundo material, frequentemente associate con le vinti-duo litteras hebraic o le arcanos major. Illo indica que le destruction ha un scopo divin, purificatori e complet.
- Fundo nigre: le tenebras del ignorantia, desperation o crise spiritual, le qual es illuminate solmente per le choc brusc e dolorose del revelation celestial.
- Fundation de rocca: le realitate material e le estabilitate mundan super le qual le ambition human (le turre de Babel) tenta elevation, sed qual es vulnerabile al judicamento divin.
Le Stella
- Femina nude: puritate, vulnerabilitate sin timor, veritate disvelate, e connexion directe con le natura e le divin sin celamentos material o pretentiones.
- Un pede in aqua e un genu super terra: equilibrio harmoniose inter le intuition o subconscientia (aqua) e le realitate practic (terra). Le genu super le terra demonstra humilitate e submission al natura.
- Duo urceos versante aqua: fluxo continue de energia vital e abundantia. Le aqua sur le terra fertilisa le mundo material (creativitate e obras), durante que le aqua versate in le stagno retorna le energia al fonte universal (gratitude e spiritualitate).
- Cinque rivos de aqua: le cinque sensos physic nutrite e purificate per le aqua spiritual, o le fluvio del vita displicate in le mundo tridimensional.
- Grande stella jalne de octo punctas: le lumine de direction (como Sirius), illumination spiritual supreme, sperantia central, conscientia cosmic e le foco del inspiration divin in le medio del nocte.
- Septe parve stellas blanc: le septe planetas traditional del astrologia antique, le septe chakras, e le puritate del energias cosmic que functiona in harmonia con le lumine central.
- Ave ibis super un arbore: associate con le deo egyptie Thoth, illo representa sagessa, concentration spiritual, communication, e meditation quiete. Le arbore symbolisa le crescentia mental e le vita.
Le Luna
- Luna con tres phases (crescente, plen, e decrescente): le triple deessa, le cyclos de alteration constante, e le natura fluctuante del emotiones e visiones astral.
- Dece-cinque guttas de lumine (yods hebraic): energia divin descendente in le mundo obscur, le scintilla spiritual que remane in le profunditate del subconscientia e del deception.
- Duo turres (pylones): le portas del incognoscite, le limites del conscientia human, e le barriera inter le mundo secur (civilisation) e le regno salvage del mente subconsciente.
- Lupo e can: le natura salvage e indomate (lupo) e le natura domate (can). Ambe representa le instinctos animal e le timores ancestral que ulula al mysterios e es excitate per le lumine lunar.
- Cambaro emergente del aqua: le fortias primitive, monstruositates o timores profunde que ascende ab le abysso del subconscientia (aqua) al superficie del mente (terra). Le manifestation del inquietude interior.
- Aqua e stagno: le subconscientia vaste e profunde, emotiones non controlate, e le chaos original ubi le formas non es ancora clarmente definite per le lumine solar.
- Via tortuose: le sentiero difficile, incerte e obscur trans le mundo del illusiones e timores, guidante lentemente verso le liberation (le montanias lontan).
- Fundo de nocte e lumine reflectite: le manco de claritate mental, le mysterio, le realitate distorquite, e le periculo de perder se in le phantasmas del mente o in deceptiones exterior.
Le Sol
- Grande sol jalne con visage: le lumine divin, le fonte de vita universal, conscientia claremente eveliate, e le presentia benevole del divinitate.
- Radios recte e undulate: radios recte (action, logica, fortia penetrante) e undulate (calor, vibration, fluiditate spiritual). le emanation de energia in tote directiones.
- Infante nude super un cavallo blanc: renascentia, innocentia, gaudio pur, e le spirito libere ab omne timores o velos material. le controlo natural super le fortias animal (cavallo blanc) sin effortio, sella o armatura.
- Corona de flores e pluma rubie: victoria, gaudio de viver, e le fortia vital (pluma rubie, simile a illo del Follo) completemente displicate in le mundo material.
- Bandiera rubie: energia vital active, action libere, e victoria triumphante super le tenebras e le morte (in contrasto con le bandiera nigre del carta del Morte).
- Quatro flores de sol (tornasoles): le quatro elementos (foco, aqua, aere, terra) o le quatro punctos cardinal, e le abundantia material que cresce e prospera sub le lumine divin.
- Muro de petra in le fundo: le limitationes del passato lassate retro, o le jardin claudite del creation (como le paradiso) ubi le anima es secur e libere pro florar e gauder se.
Le Judicamento
- Angelo in le celo (Gabriel): le messagero divin, le appello del supra-conscientia, le voce que evelia le animas ex le somno spiritual o ignorantia.
- Trompetta con bandiera del cruce rubie: le annuncio del judicamento cosmic, le intersection inter le tempore e le eternitate, e le victoria del spirito super le limitationes material.
- Figuras nude emergente ex sepulcros: le resurrection spiritual, liberation ab le passato, e le disposition de revelar le veritate interior sin celamentos o pretentiones.
- Homine, femina e infante: le integration harmoniose del mente consciente (homine), le mente subconsciente (femina), e le nove entitate o idea pur renascite (infante).
- Bracios extendite: acceptation allegre, veneration, e submission voluntari a reciper le appello e le gratia divin.
- Ocean o aqua sub le sepulcros: le matrice universal, le grande mar del fin material, o le fluxo del subconscientia ex le qual le nove vita emerge.
- Montanias nival in le fundo: le culmines abstracte del spiritualitate, le veritate absolute, e le fin del viage terrestre ubi le judicamento supreme occurre.
Le Mundo
- Dansatrice central: le anima liberate, le movimento eterne del universo, e le gaudio del completion. Illa es frequentemente considerate como androgyne, representante le integration perfecte de energias masculin e feminin.
- Corona de lauriero in forma de zero: le cyclo eterne, victoria, e le successo final. Le forma de zero (0) connecte iste fin del viage con le initio (le Follo, carta zero), monstrante que omne fin es un nove initio.
- Ligamines rubie in forma de infinitate (lemniscate): le macrocosmo e microcosmo, le eternitate del spirito ligante le materia, e le fluxo incessante del fortia vital cosmic.
- Duo bastones magic in manos: evolution e involution, maestria super le fortias positive e negative, e le culmination del poter de manifestation que comenciava con le Mago (qui teneva solmente un baston).
- Quatro creaturas (angelo, aquila, leon, tauro): le quatro elementos (aere, aqua, foco, terra), le quatro signos fixe del zodiaco, e stabilitate cosmic in equilibrio perfecte circa le anima dansante. Illes non lege libros como in le Rota de fortuna, proque le cognoscentia es jam completemente integrate.
- Charpa purpuree in spiral: majestate celestial, mysterio divin, e le velo que coperi le essentia ultime. Le forma de spiral indica le descensita del lumine divin e le ascensita del anima material.
- Celo blau seren: claritate absolute del mente, pace universal, harmonia, e le absentia de nubes o obscuritate post le victoria super omne defias terrestre.
