《滿蒙漢合璧教科書》第五冊第五課 楚滅陳

sunjaci tacibure kicen, cu gurun cen gurun be mukiyebuhengge, 第五課　楚滅陳

cu gurun cen gurun be mukiyebufi, 楚滅陳
terei wargi duka be efulefi, 壞其西門
dahara irgese be dasabume, 使降民修之
kungdzi dulembime doro arahakū be, 孔子過而不式
dzi gung hadala jafame fonjime, 子貢執轡而問曰
dorolon geren niyalma ci dulere ohode doro arambi, 禮過衆人則式
te cen gurun i duka be dasarangge geren ombikai, 今陳之修門者衆矣
fudzi doro ararakū, 夫子不為式
ainu, 何也
kungdzi hendume, 孔子曰
gurun bime tuwakiyame muterakū, 有國而不能守
gukuhe manggi buceme muterakū, 既亡而不能死
geli kimun bata de hūsun be akūmbume, 又為仇敵盡力
ere duka be dasame, 以修此門
terei niyalma udu geren seme, 其人雖衆
adarame gingguleci ombikai, 何足敬也