orin jakūci tacibure kicen, umiyaha, 第二十八課 蟲
umiyaha, 蟲
aššara jakai ajige ningge inu, 動物之小者也
duwali hacin umesi labdu, 種類最多
eici den untuhun i ba de deyeme, 或高飛空際
eici olhon bade iburšame, 或跂行陸地
sidende mukei dolo ireneme furirengge bi. 間有游泳於水中者
umiyahai beye ajige, 蟲體小
banjire fuserengge ele ja, 生殖尤易
tuttu seme banin šahūrun ci olhombi, 然性畏寒
tuweri forgon de gecen nimanggi tuheke manggi, 冬令霜雪降
umiyaha bucerengge labdu, 蟲多死
terei bucehekūngge, 其不死者
na i dolo šumin somime, 深伏土中
omirakū jeterakū, 不飲不食
butuha seme gebulehe, 名曰蟄
niyengniyeri halukan edun hūwaliyasun, 春暖風和
butuhangge dahūme tucimbi, 蟄者復出
tere bucehe umiyahai werihe umhan, 其死蟲之遺卵
inu nenden amaga umhan gidame ubaliyahabi. 亦先後孵化
šahūrun bolori biya genggiyen, 涼秋月明
dobori šumin niyalma cibsen, 夜深人靜
bujan i siden orhoi dolo, 林間草際
eiten umiyaha sasa guwefi, 萬蟲齊鳴
šeo sere edun huksidere agai gaitai isinjiha gese, 如飄風急雨之驟至
fu i hošoi jir jir sere jilgan, 牆隅唧唧之聲
goroki de ishunde acabume hūwaliyame, 遙相應和
fuhali banjitai emu kumun meyen inu kai. 直天然一樂部也
bingsiku 蟬 harhū umiyaha 斑蝥 helmehen 蜘蛛 dondon 蛾
heliyen sebsehe 螳螂 derhuwe 蠅 sacikū umiyaha 天牛
šongkon ija 蠅虎 gin gui umiyaha 金龜子 yan' io umiyaha 蛞蝓
gurjen 蟋蟀 lagu 螻蛄 ulme hūlhatu 蜻蜓 sarpa 蚱蜢 juwali 蛙
buren umiyaha 蝸牛 beten 蚯蚓 yerhuwe 螘 hibsu ejen 蜜蜂
suilan 黃蜂 beri faksi 水馬 midaha 馬蟥 ahada gurjen 油胡盧
jioi seo umiyaha 蠼螋 meihe 蛇 šešeri umiyaha 蜈蚣
iseleku umiyaha 蝎子 yekserhen 壁虎 gefehe 蝶 sebseheri 蝗
fuhungge wakšan 蟾蜍 fu i helmehen 壁蟢 biyoo umiyaha 蠶
biyoo umiyahai dondon 蠶蛾 ija 蝱 galman 蚊 hala umiyaha 孑孓
nisiha umiyaha 蠹魚 ma siowan umiyaha 馬蚿 juciba 螢
yeye 蛆 cihe 蝨 wahūn umiyaha 臭蟲 suran 蚤 oyo 蠛蠓
so i umiyaha 簑衣蟲
沒有留言:
張貼留言