orin sunjaci tacibure kicen, olhon de teoderengge, 第二十五課 陸運
olhon teodere de sejen baitalame, 陸運以車
ememu niyalmai hūsun be baitalambi, 或用人力
ememu ihan morin be baitalambi, 或用牛馬
inenggidari tanggū ba be dabarakū bime, 日不逾百里
haksan kamni i bade geli sihelembi, 而險隘之地又阻焉
jahūdai i yaburengge, 舟之行也
edun jai muke i hūsun de akdame, 藉風與水之力
yaburengge duibuleci turgen seme, 行駛較速
tuttu seme ememu erinde ishun edun ishun eyen de ucaraci, 然時遇逆風逆流
terei sitame hanggabume tookabume elhešerengge, 則其遲滯稽延
kemuni sejen ci dabanambi, 且甚於車
sukdun i jahūdai araha ci ebsi, 自汽船作
inenggi dobori jalandarakū, 晝夜不息
inenggidari i yabure be bodoci minggan ba isinaci ombi, 日行約可千里
sukdun i sejen oci geli ubu fulu, 汽車則又倍之
tere anggala alin be šusilefi jugūn be hafumbure, 且鑿山以通道
doohan be sujame bira be doome, 駕橋以濟川
emgeri suilafi enteheme jirgame, 一勞永逸
isinaha ele ba gemu necin jugūn ombikai. 所至皆坦途焉
sukdun i sejen ing gurun ci fukjin deribumbihebi, 汽車創自英國
tetele damu jakūnju aniya giyalaha bime, 距今僅八十年
eo jeo jubki mei jeo jubki geren gurun i yun jugūn, 而歐美各國軌道
fisin helmehen i asu i adali, 密如蛛網
dabanahangge mederi i fere ci yaburengge bi, 甚有行於海底者
dehe i deheleme doohan banjiname, 有鉤貫成橋
untuhun ba de sujame yaburengge bi, 架空以行者
ainci sukdun i sejen yendehe manggi, 蓋汽車既興
olhon de teoderengge tereci ambula ildun ohobi. 而陸運於是大便
沒有留言:
張貼留言