《滿蒙漢合璧教科書》第七冊第五十三課 腦

susai ilaci tacibure kicen, fehi, 第五十三課　腦

julgei fonde niyalmai ulhicun be, 古者以人之知覺
gemu niyaman be da obumbi sembi, 皆本於心
yargiyan oci niyaman senggi tucibure tetun ome, 實則心為發血之器
ulhicun i sekiyen, 而知覺之源
ainci fehi de holbombidere, 蓋屬於腦

fehi i dursun uju hoto i dergi meyen de jalupi, 腦體充塞頭顱上部
ton akū simen i sudala bifi, 有無數之神經
beyei gubci de hafurengge, 達於全體
talkiyan tonggo i gurun i gubci dendeme sindaha gese, 猶電線之分布全國
terei mejige be ishunde hafumbumbi, 以互通其消息
musei niyalma aššame arbušarangge bici, 吾人有所動作
fehi ci simen i sudala de selgiyefi, 則自腦傳令於神經
tanggū dursun be jorirengge, 以指揮百體
uheri kūwaran ci talkiyan be dendere kūwaran de ulara adali kai, 猶總局傳電於分局也
fintara gosiholoro nimere yocara, 痛楚疴癢
sukū yali de cunggūšara, 觸於肌膚
jilgan boco wa amtan, 聲色臭味
šan yasa angga oforo de siraci, 接於耳目口鼻
simen i sudala terei acinggiyame serebure be ulame, 則神經傳其感覺
fehi de hafurengge, 以達於腦
dendere kūwaran ci talkiyan be uheri kūwaran de ulara adali kai, 猶分局傳電於總局也

inenggi i sidende baita araci, 日間作事
fehi i hūsun ebereme ekiyeniyefi, 則腦力消耗
dobori urunakū amgame dedure be niyecembi, 夜必睡眠以補之
ajige jui i fehi i dursun jalure unde ofi, 童子腦體未充
amgara erin labdu oci acambi, 眠時宜多
se mutuha niyalma, 年長之人
dobori amgara de jakūn ajige erin i kemun obuhabi. 夜眠以八小時為度