《滿蒙漢合璧教科書》第六冊第二十三課 指南針

orin ilaci tacibure kicen, julesi jorikū, 第二十三課　指南針

seibeni hūwang di cy io i baru afara de, 昔黃帝與蚩尤戰
coohai urse jugūn be fambure jakade, 軍士迷失道
hūwang di julesi jorikū be weilefi, 帝作指南針
duin dere be jorihabi, 以示四方
udu minggan aniya ci ebsi songkolome baitalahai, 數千年來沿用之
yaya šumin alin tala bigan i dolo yabure de, 凡行深山曠野中
dergi wargi julergi amargi be ilgarakū de, 不辨東西南北
ede akdame foroko ici be toktobuci, 藉此以定方向
umesi ildun kai, 至便也

terei weilehengge, 其製
tulergi jerin muheliyen, 外廓圓
dulimba de sangga bi, 中有孔
emu ajige tura be ilibufi, 立一小柱
julesi jorikū be hetu terei ninggude sindafi, 指南針橫置其上
duin dere de šurdebume mutembi, 使能四面旋轉
terei julesi jorikū iliha manggi, 其針止時
emu sahaliyan dube enteheme amargi foroko ici, 一端常向北
emu fulgiyan dube enteheme julergi foroko ici, 一端常向南
etuhušeme gūwabsi forobuci, 強使之他向
muterakū kai, 不能也
ere tetun be eo jeo jubki de ulame dosika ci, 自此器傳入歐洲
mederi doora arga, 而航海之術
uthai ele tucibume iletulefi, 遂益發達
ere inenggi goroci dabkūri namu doora de, 今日遠涉重洋
jugūn fambure jobolon akūngge, 無失道之患者
julesi jorikū i hūsun kai. 指南針之力也