《滿蒙漢合璧教科書》第五冊第五十六課 煙草之害

susai ningguci tacibure kicen, dambagu orho i jobolon, 第五十六課　煙草之害

fan agu dambagu gocire de kemun akū, 樊君吸煙無度
majige andande angga ci aljaburakū, 須臾不離口
terei gucu targame hendume, 其友戒之曰
dambagu horonggo banin be baktame, 煙含毒質
niyalma de acarakū, 不宜於人
tuttu tuktan gocire erin de, 故初吸時
kemuni uju yasa hūi seme, 常覺頭目暈眩
tunggen i dolo eyeršeme fudaki seme sererengge, 胸中作惡欲嘔
terei temgetu inu kai sefi, 是其證也
fan agu hendume, 樊君曰
bi goidame tacime ofi, 吾久習之
erei gosihon oburakū sere anggala, 不以為苦
hono oori simen cukume bandara erin de, 且精神疲倦時
dambagu gocici ini cisui yendebuci ombi sefi, 得煙可以自振
terei gucu hendume, 其友曰
dambagu i jaka ojorongge, 煙之為物
oori simen be nonggibume muterengge waka, 非能增益精神
cohome terei tatame nukire hūsun de akdame, 特藉其提激之力
emu erin i selara be gaire dabala, 以取快一時耳
duibuleci bekdun juwen gaire niyalma, 譬如舉債之人
emu cimari andande gaitai labdu menggun be bahafi, 一旦驟得多金
bekdun iktame madagan ujen, 而債積息重
gakdun ele ambula ome haminambidere. 為累將益甚矣