《滿蒙漢合璧教科書》第四冊第四十九課 三牛

dehi uyuci tacibure kicen, ilan ihan, 第四十九課　三牛

ilan ihan emgi ongko de, 三牛共牧場
imiyafi olhon orho be suwangkiyame, 聚齧乾草
arsalan alin i dergici wasinjifi, 獅從山上來
šoforoki serede, 欲搏之
ihan i acan imbe tosoro be jobome ofi, 患牛之合以禦己也
elhešeme jibgešeme gaitai iberakū, 逡巡不遽進
cendeme murafi golobure de, 試吼以懼之
ihan yala aksafi, 牛果散匿
arsalan urgunjefi, 獅喜
neneme ajige ihan be šoforofi, 先搏小牛
ajige ihan usame guwendecibe, 小牛哀鳴
amba ihan dame muterakū, 大牛莫援
ajige ihan be waha manggi, 既殺小牛
ilhi aname amba ihan de isinafi, 以次及大者
ilan ihan gemu bucehebi. 三牛皆死