《滿蒙漢合璧教科書》第七冊第五十一課 嵩山

susai emuci tacibure kicen, sung šan alin, 第五十一課　嵩山

suwayan bira ci julesi, 自河以南
hūwai šui muke ci amasi, 淮以北
alin i den bime yebcungge, 山之高且秀者
sung šan alin ci dabarangge akū, 無過嵩
sung šan alin de tafara de juwe jugūn bi, 登嵩有二道
emu ningge wargi jugūn i wan sui feng hada ci, 一自西路萬歲峯
emu ningge dergi jugūn i lu yan' hada ci, 一自東路盧巖
lu yan' hada i jugūn duibuleci necin ja, 而盧巖之道較平易
sargašara niyalma labdu yabumbi, 游人多從之
juwe jugūn ishunde acaha manggi, 兩道交會後
amba ajige tiye liyang hiya hada be darici, 過大小鐵梁峽
fiyeleku minggan jakūru, 削壁千尋
wasihūn enggeleci fere akū, 下臨無地
wehe be šusileme doohan arame dulere de, 鑿石駕橋以過
mehume yohoron i dolo be tuwaci, 俯視壑中
[da]bkūri wehe dabkūri (golakū)[gūlakū?] i šumin, 疊石嶙峋
akjan kunggur seme talkiyan kūwar sere gese, 雷轟電劈
bonio monio i amcatame šuseme wasime muterakūngge kai, 猨猱所不能攀縋也
geli amasi tiyan' men duka be duleci, 又北過天門
juru hada dulimba ci lakcaha, 雙峯中斷
edun tugi terei sidenderi tucime dosimbi, 風雲出入其間
mudakiyame wargi amargi i baru oci, 折而西北
uthai dulimba hada i cokcihiyan de wesimbi, 乃上中峯之頂
ere tai ši sehengge kai, 此所謂太室也
yasa i hūsun be wacihiyame duin i baru tuwaci, 極目四顧
geren hada bombonome faidafi, 羣峯羅列
amasi bira eyen be karaci, 北望河流
hayame umiyesun i adali, 蜿蜒如帶
wasihūn šoo ši be hargašaci, 西瞻少室
yashangga hafuka ferguwecuke aldungga, 玲瓏瓌異
julgei niyalma kemuni tai ši šoo ši seme tukiyehengge, 古人嘗稱太室少室
turgun bikai. 有以也