《滿蒙漢合璧教科書》第四冊第五十九課 女子宜讀書

susai uyuci tacibure kicen, sargan jui bithe be hūlaci acarangge, 第五十九課　女子宜讀書

jeng halangga i juwe jui, 鄭氏之二子
goromime tucifi hūdašafi, 遠出行賈
ini boode jasigan jasifi, 寓書其家
eme hergen be takarakū, 母不識字
fempi be neifi yasa durahūn, 啟封瞪目
hūlame muterakū ofi, 不能讀
ekšeme niyalma be unggifi ini hūncihin be elkibure de, 急遣人招其戚
jugūn goro gaitai isinjihakū i jakade, 路遠未遽至
fathašara asuru, 焦灼甚
sejileme hendume, 歎曰
bithe hūlahakū i jobolon, 不讀書之害
fuhali uttu de isinambidere, 乃至是耶
mini beye wajihabi, 吾身已矣
ele mini sargan jui be sartabuci ojorakū kai, 不可更誤吾女也
uthai geren sargan juse be tacikūi tanggin de dosi seme afabuha, 遂命諸女入學堂
sargan juse dobori bederere de kemuni dengjan i fejergide teceme niyeleme urebuhei, 女夜歸恆聚燈下誦習
eme dalbade donjime, 母在旁聽之
emu aniya de dulefi, 逾年
heni majige hergen be takafi, 稍稍識字
booi jasigan isinjiha manggi, 家書至
niyalma de yandume hūlarakū kai. 不煩人讀矣