susai duici tacibure kicen, i he tuwan 第五十四課 義和團
gi du tacihiyan i tacibukū niyalma tuktan musei gurun de dosire de, 基督教士之初入我國也
terei tacihiyan i kemun dubihe tacin i emgi ishunde baktamburakū, 其教規與習俗不相容
musei gurun i niyalma de tuwabume silhidaburengge, 為我國人所嫉視
uthai hafan wailan seme inu emdubei icihiyanjame gidahabi, 即官吏亦時裁抑之
tacibukū niyalma tondo necin akū, 教士不平
terei gurun i hūsun de akdame, 藉其國力
musei dasan i fu be ergelehei, 挾我政府
tereci umainaci ojorakū irgen niyalma be wafi, 於是不得已而殺民人
hafan wailan be wasibufi, 黜官吏
terei tacibukū niyalma de toodaburengge, 其所以償教士者
kemuni giyan ci dabanafi, 往往過當
jalingga koimali urse, 而奸宄之徒
geli tacihiyan de dosika de akdame, 又藉入教
necin irgen be gidašahai, 欺陵平民
seyeme iktaha korsocun emgeri šumin ofi, 積憤既深
tacihiyan i tanggin be deijifi tacibukū niyalma be waha baita de isiburengge bi, 至有焚教堂殺教士之事
tondo irgen tacihiyan irgen i kimun, 民教之仇
uthai teng seme kimuleme subuci ojorakū, 遂固結而不可解
amargi ba i niyalma, 北方之人
tulergi i arbun de getuken akū ofi, 闇於外勢
sabuha ele gūwa niyalma be, 以為所見外人
gemu tacihiyan be ularangge seme, 無一非傳教者
kemuni sabuha ele gūwa niyalma be, 且以為舉所見之外人
emu cimari andande wacihiyame waci, 一旦而盡殺之
urunakū sirame jiderengge akū seme, 則必無續至者
terei gūwa niyalma be gisabume mukiyebuki sere gūnin, 其翦滅外人之心
goidatala emgeri fekuceme fekuceme cendeki sembihe, 久已躍躍欲試
damu terei miyoocan poo i mangga ci olhome, 徒畏其槍礮之精
tuttu dolori kirime deribume ajabure unde kai, 故隱忍而未發也
susai sunjaci tacibure kicen, sirarangge 第五十五課 續
goidahakū, i he tuwan serengge bifi, 無何，有義和團者
beye enduri ferguwecuke de dahame dayafi, 自言歸依神靈
nujan maitu be urebuci, 練習拳棒
miyoocan poo jocibume muterakū seme gisurere de, 則槍礮不能傷
tereci niyalma tome miyoocan poo ci olhoro ba akū seme, 於是人人謂槍礮不足畏
hoki duwali ulhiyen i geren ofi, 徒黨日衆
šandung golo ci jyli golo gemun hecen abkai imiyangga golo de siranduhai isifi, 由山東而直隸而北京而奉天
selei jugūn be deijime, 焚鐵路
tacihiyan i tanggin be efuleme, 燬教堂
elcin i kuren be kame, 圍使館
gūwa niyalma be waha de, 殺外人
tereci jakūn gurun cooha be holbofi tiyan gin be efulefi, 於是八國聯軍陷天津
i he tuwan i urse kemuni miyoocan poo de miyoocalabume bucehengge labdu, 而義和團仍多死於槍礮
ede enduri ferguwecuke de akdaci ojorakū, 於以知神靈之不可信
gūwa niyalma be wacihiyame waci ojorakū be saha, 而外人之不可盡殺
te unenggi gūwa gidašara be fancame seyeci, 今誠憤於外侮
giyan i tacin i doro be jombume durulame, 則宜提倡學術
dasan i baita be sain obume dasafi, 改良政事
musei gurun i gurun i hūsun be, 使我國國力
geren gurun i ninggude colgorobuci, 駕於各國之上
ce gūwa niyalma geli adarame bahafi musebe gidašambini, 彼外人又安得而侮我
uthai tacihiyan be ulacibe inu musei irgen de ai koro bini, 即傳教亦何害於我民也
ai, i he tuwan i ursei gesengge, 嗚呼！如義和團者
gebu de gurun be gosimbi sembime, 名為愛國
da bodogon be sahakū, 而不知本計
lak seme beye be jobolon ombime gurun be inu jobolon ohobi kai, 適足以自禍而禍國也已
沒有留言:
張貼留言