《滿蒙漢合璧教科書》第七冊第二十一課 緹縈

orin emuci tacibure kicen, ti žung, 第二十一課　緹縈

šūn ioi ii haha jui akū, 淳于意無男
sargan jui sunja niyalma bi, 有女五人
fafun de necifi eruleci acame ofi, 坐法當刑
selgiyere hese bifi amcame weile arakini sehe seme, 有詔逮治之
yabure nerginde, 瀕行時
šūn ioi ii ini sargan juse be toome hendume, 意罵其女曰
jui banjime haha jui banjirakū oci, 生子不生男
elhere hahilara de tusa akū kai sehe de, 緩急非有益也
fiyanggū sargan jui ti žung, 少女緹縈
beye akame songgome ini ama be dahalame, 自悲泣隨其父
cang an' hoton de isifi, 至長安
bithe wesimbume hendume, 上書曰
fusihūn beye mini ama wailan ofi, 妾父為吏
ci i bade gemu hanja necin seme tukiyehebi, 齊中皆稱廉平
te fafun de necifi eruleci acambi, 今坐法當刑
fusihūn beye bi bucehengge be dahūme banjici ojorakū, 妾傷夫死者不可復生
erulehengge be dahūme siraci ojorakū seme usafi, 刑者不可復續
udu endebuku be halame beye icemleki sehe seme, 雖欲改過自新
terei doro songko baharakū kai, 其道無由也
fusihūn beye cihangga beye dosime alban i nehū ome, 妾願入身為官婢
ama i weile be joolime, 以贖父罪
bahafi beye icemleki seme, 使得自新
bithe wesimbuhe de, 書奏
han' wen di han terei gūnin be šar seme jilame, 漢文帝憐悲其意
uthai šūn ioi ii be guwebufi, 乃赦淳于意
hese i yali i erun be geterembu sehe, 詔除肉刑
ereci julesi oktalara šaktalara tobtelere sabsire erun be, 自是之後劓刵刖黥之刑
yooni nakabufi baitalarakū ohobi. 悉廢不用

---

按：作者誤將「縈」讀作「榮」。