《滿蒙漢合璧教科書》第七冊第四十四課 趙武靈王

dehi duici tacibure kicen, joo gurun i u ling wang, 第四十四課　趙武靈王

joo gurun i u ling wang monggo i etuku be etufi niyamniyara be urebume, 趙武靈王胡服騎射
erei tanggū halai irgen be tacibure de, 以教百姓
gungdzi ceng tafulame hendume, 公子成諫曰
dulimba gurun serengge, 中國者
enduringge saisa i taciburengge kai, 聖賢之所教也
gosin jurgan i yabuburengge kai, 仁義之所施也
irgebun bithe dorolon kumun i baitalarangge kai, 詩書禮樂之所用也
te wang ere be šelefi goro ba i etuku be songkolome, 今王舍此而襲遠方之服
julgei tacihiyan be kūbulime, 變古之教
julgei doro be halaci 易古之道
ojorakū kai, 不可
wang hendume, 王曰
etuku serengge, 服者
baitalan de ildun ofi kai, 所以便用也
dorolon serengge, 禮者
baita de ildun ofi kai, 所以便事也
tuttu ofi enduringge niyalma, 是以聖人
yala gurun de tusa oci, 果可以利國
terei etuku be emu oburakū, 不一其服
yala baita de ildun oci, 果可以便事
terei dorolon be uhei oburakū, 不同其禮
seibeni jung šan gurun musei ba be necime doksirame, 昔中山侵暴吾地
mini irgen be jafame huthufi, 系累吾民
gurun elei tuwakiyarakū, 國幾不守
te bi monggo i etuku be etufi niyamniyara be ureburengge, 今吾為胡服騎射
alin holo i baitalan de ildun obume, 以便山谷之用
jung šan i kimun be karulaki sembikai sefi, 將以報中山之怨也
uthai monggo i etuku be etufi, 遂服胡服
niyamniyara be urebume, 習騎射
cooha ilibufi jung šan gurun be mukiyebufi, 舉兵滅中山
amargi monggo i ba be kederefi, 北畧胡地
gurun i horon ambula yendebuhebi. 國威大振