《滿蒙漢合璧教科書》第四冊第二十二課 羊

orin juweci tacibure kicen, honin, 第二十二課　羊

ajige jui emu inenggi usin i siden de sargašara de, 童子偶遊田間
buca bi, 有母羊
ini baru akame guwedeme, 向之悲鳴
julesi yabuha manggi, 既前走
geli cibtui tuwame, 又屢顧
ajige jui be hūlame emgi yoki serengge gese, 似呼童同行者
ajige jui ferguwefi, 童異之
terei amala be dahame, 隨其後
omoi dalbade isinafi tuwaci, 至池旁
emu honin i deberen mukei dolo tuhefi, 見一小羊墮水中
bahafi tucihekū ofi, 不得出
gasame hūlara jing ekšere de, 哀號方急
ajige jui buca ini deberen be wehiyeki seme baire be ulhifi, 童知母羊之求援其子也
uthai honin i deberen i uihe be jafame, 乃握小羊之角
dalin i ninggude sindafi, 置之岸上
buca urgunjeme fekucefi, 母羊歡躍
honin i deberen i emgi genehebi. 偕小羊而去

《滿蒙漢合璧教科書》第四冊第二十一課 游魚

orin emuci tacibure kicen, irenere nimaha, 第二十一課　游魚

sefu šabi emde omoi jakade ilime, 師生同立池上
nimaha tucifi irenere furire be sabufi, 見魚出游泳
tuhe efen i ufa be maktaha seme yobodoci, 戲以餅屑投之
nimaha temšeme bulifi, 魚爭唼食
geli emu amba tuhe efen be maktafi, 復投以巨餅
nimaha saiki serede, 魚欲齧之
hūsun de muteburakū, 力不能勝
goidahakū, 未幾
nimaha juwan fulu bi, 有魚十餘尾
hūsun kamcifi ašume genehe, 合力銜之而逝
sefu geren tacikūi jusei baru hendume, 師謂諸生曰
suwende terei doro be sambio, 汝等知其道乎
yaya baita emhun hūsun oci mutebure de mangga, 凡事獨力則難成
hūsun acabuci tukiyerengge ja, 合力則易舉
tuttu baitai amba ajigen be bodorakū, 故事無大小
geren de acabume muteme yabure de, 能合羣為之
aisilarakūngge akū kai. 無不濟矣

《滿蒙漢合璧教科書》第四冊第二十課 承宮

orici tacibure kicen, ceng gung, 第二十課　承宮

ceng gung asigan umudu, 承宮少孤
boode yadahūn ofi, 家貧
jakūn se de, 年八歲
niyalma de ulgiyan be adulara de, 為人牧豕
gašan de sioi dzi šeng serengge bi, 鄉有徐子盛者
tacikū be ilibufi giyangname tacibume, 設學講授
šabi ududu tanggū niyalma, 弟子數百人
ceng gung ulgiyan be bošome duka ci darime duleme, 承宮驅豕過其門
teyere de, 憇焉
niyelere jilgan be donjifi sebjelefi, 聞誦聲而樂
dosifi dzi šeng ni jakade bairengge, 入請於子盛
tacikūi dolo takūršabure be buyembi, 願執役學中
dzi šeng angga aljafi, 子盛許之
uthai geren tacikūi juse de deijiku tunggiyeme, 遂為諸生拾薪
šolo bici kiceme tacihai, 暇則勤學
uttu ududu aniya de, 如是數年
tereci hafure niyalma mutebuhebi. 遂成通人

《滿蒙漢合璧教科書》第四冊第十七課 拔河

juwan nadaci tacibure kicen, hūcin šodoro efiku ojorongge, 第十七課　拔河

surtenume yabume wajiha manggi, 競走既畢
geli hūcin šodoro efiku obume, 又為拔河之戲
geren tacikūi juse be dendeme dergi wargi juwe meyen obu, 分諸生為東西二隊
ududu juda golmin futa be, 以數丈長繩
na i ninggude sindafi, 置地上
meyen meni meni futa i emu dube be jafame, 隊各執繩之一端
dergi ergi ilifi ušataci, 東起曳
wargi ergi dodome tatašara, 則西蹲持之
wargi ergi ilifi ušataci, 西起曳
dergi ergi dodome tatašara, 則東蹲持之
futa wesihun gurici dergi ergi eteme obure, 繩東移則東勝
wasihūn gurici wargi ergi eteme obure, 西移則西勝
ušatame wajiha manggi, 曳畢
eterengge ishunde urgunjefi, 勝者相慶
sebjeleme hūlara jilgan, 歡呼之聲
kūwaran i dolo desunggiyehebi. 騰於場中

《滿蒙漢合璧教科書》第四冊第十五課 體操之益

tofohoci tacibure kicen, beye be urebure tusa, 第十五課　體操之益

u šeng tuktan tacikūi tanggin de dosire de, 伍生初入學堂
sefu beye urebure be urebu seme afabuci, 師命習體操
u šeng jabume, 伍生曰
mini beye yadalinggū niyambulu, 我羸弱
urebure be dosorakū kai, 不任操也
sefu hendume, 師曰
beyebe urebure de senggi sudala be banjire, 體操能活血脈
sube giranggi be etuhun ome mutembi, 強筋骨
yadalinggū niyambulu ningge be dasaburengge cohome ede bimbi, 正所以醫治羸弱者
si ainu fimerakū ni, 爾盍試之
goidafi toktofi tusa be bahambi sehe, 久必獲益
u šeng dahafi, 伍生從之
ududu biyade dulehekū, 未數月
jetere kemun ambula nonggifi, 食量大增
beye uthai ulhiyen ulhiyen i etuhun oho. 體遂日壯

《滿蒙漢合璧教科書》第四冊第十四課 鴿

juwan duici tacibure kicen, kuwecihe, 第十四課　鴿

kuwecihe tucifi jemengge be baime, 鴿出覓食
silmen be ucaraci uthai bucembi, 遇隼輒死
giyahūn alame hendume, 鷹告之曰
mini hūsun de silmen be jafatame muteme, 吾力能制隼
sini karmangga ojoro be buyembi sefi, 願為爾衛
kuwecihe ambula urgunjefi, 鴿大悅
giyahūn be solime ini tere feye de dosifi, 延鷹入其居
giyahūn dosika manggi, 鷹既入
geren kuwecihe be sebkeme waha, 撲殺羣鴿
bahafi guwerengge akū, 無得免者
jalan de beye ilire be kicerakū bime, 世有不圖自立
gūwa niyalma de akdame aisilarangge, 而借助於人
kuwecihe i giyahūn be baire adali kai. 猶鴿之求鷹也

《滿蒙漢合璧教科書》第四冊第十三課 小鳥

juwan ilaci tacibure kicen, ajige gasha, 第十三課　小鳥

ajige gasha mooi ninggu de deyeme dofi, 小鳥飛集樹上
sargan jui cuse mooi horin be yodame, 女童提竹籠
gala i gidašame hendume, 以手招之曰
horin i dolo bolgo, 籠中潔淨
jetere jaka jancuhūn sain, 食物甘美
si jime teci ombi sefi, 汝其來居
ajige gasha jabume, 小鳥曰
bi beye mooi ninggu de bisire feye bi, 我自有巢在樹上
duin ici tuwaci untuhun šehun, 四顧空曠
genere jidere de elehun, 去來自如
horin i dolo yaksime tere be cihakū kai, 不願閉居籠中也
sargan jui hendume, 女童曰
abka šahūrun, 天寒
nimanggi kiyalmara ohode, 風雪至
feye naihūme tuhebure hamime, 巢將傾覆
horin i ergecun icangga de isirakū, 不如籠之安適
ajige gasha jabume, 小鳥曰
bi hūwaliyasun halukan i babe sonjome gurici, 我擇和暖之所而遷之
ombikai, 可也
aika horin i dolo tere ohode, 若居籠中
enteheme sinde jafatame hūwaitabumbikai. 永受汝之束縛矣