《滿蒙漢合璧教科書》第五冊第二十四課 鴉食貝

orin duici tacibure kicen, gaha ubiyoo jeterengge, 第二十四課　鴉食貝

mederi furgin arkan hekcere de, 海潮初退
geren ubiyoo yonggan i oilo de tuyembume, 羣貝露沙面
geren gaha dofi jeci, 衆鴉就食之
ubiyoo i huru beki, 貝殼堅
gaha hūsun be akūmbume congkicibe, 鴉竭力啄之
hūwajame muterakū, 不能破
ede meimeni ubiyoo be ašume deyefi gūsin dehi juda i den de isinaha manggi, 於是各銜貝高飛至三四十丈
teni ubiyoo be wehei ninggude tuhefi, 乃墜貝於石上
terei huru be hūwajafi, 破其殼
terei yali be jekebi. 而食其肉

yaya jaka wasihūn tuhere arbun, 凡物下墜之勢
ele den oci hūsun ele amba, 愈高則力愈大
duibuleci hūntahan be na i ninggude fahaci, 如擲杯於地上
den teile jušuru isime, 高僅尺許
kemuni efujerakū, 往往無恙
aika juwan jušuru fulu i wesihun de isici, 若至十餘尺以上
meijerakūngge akū, 則未有不碎者
gaha i ubiyoo be jeterengge, 鴉之食貝
ainci ere giyan be tengkime sahabi dere. 殆深知此理矣