滿文版《資治通鑑綱目》齊侯封即墨大夫烹阿大夫

ci heo, ji me hecen i daifu hafan be fungnehe. o hecen i daifu hafan be caruha.

ci gurun i wei wang, ji me hecen i daifu hafan be gajifi hendume, si, ji me hecen de tehe ci ebsi ehecure gisun inenggidari isinjimbi. bi niyalma takūrafi ji me de tuwanabuci, usin bigan be suksalahabi. niyalma irgen elgiyen, hafasa de baita akū, dergi ergi toktohobi. ere si mini hashū ici ergi urse de haldabašame aisilara be baihakū turgun kai sefi, tumen boigon salibume fungnehe. o hecen i daifu hafan be gajifi hendume, si, o hecen be tuwakiyaha ci ebsi, maktara gisun inenggidari isinjimbi, bi niyalma takūrafi, o babe tuwanabuci, usin bigan be suksalahakūbi. niyalma irgen yadame yuyumbi. joo gurun, giowan i babe afaci, si danahakū. wei gurun, siowei ling be gaici si sahakū. ere si jiramin ulin i mini hashū ici ergi urse de haldabašame maktara be baiha turgun kai sefi, tere inenggi uthai o hecen i daifu hafan, jai hashū ici ergi kemuni maktaha urse be caruha. tereci geren ambasa geleme olhome gelhun akū miyamirakū holtorakū. urunakū yargiyan be akūmbume ofi, ci gurun ambula dasabufi abkai fejergi de etenggi oho.

齊侯封即墨大夫烹阿大夫

齊威王召即墨大夫，語之曰：自子之居即墨也，毁言日至，然吾使人視即墨，田野辟，人民給，官無事，東方以寧，是子不事吾左右以求助也。封之萬家。召阿大夫，語之曰：自子守阿，譽言日至，吾使人視阿，田野不辟，人民貧餒，趙攻鄄，子不救，衛取薛陵，子不知，是子厚幣事吾左右以求譽也。是日，烹阿大夫及左右嘗譽者。於是羣臣聳懼，莫敢飾詐，務盡其情，齊國大治，彊於天下。