《滿蒙漢合璧教科書》第五冊第十八課 紙鳶

juwan jakūci tacibure kicen, deyenggu, 第十八課　紙鳶

niyengniyeri abka hūwaliyasun edun, 春日風和
geren juse deyenggu be jafafi, 羣兒攜紙鳶
filtahūn kūwangtahūn i bade isinafi, 至空曠之地
sindafi, 放之
deyenggu i arbun, 紙鳶之狀
gasha bi nimaha bi, 有鳥有魚
gefehe bi, 有蝴蝶
šešeri umiyaha bi, 有蜈蚣
sakda niyalma bi, 有老人
amba ningge den ici ninggun nadan jušuru, 大者高六七尺
juwe asha sulfangga sarame, 兩翼舒張
meiren de cuse beri sukū sirge bi, 肩有弓弦
emu ajige jui terei uncehen be jafame, 一童持其尾
muhu de tafame derkifi, 登高縱之
emu ajige jui ekšeme terei futa be tatašame, 一童急振其繩
deyenggu edun i ici šuwe wesifi, 鳶乘風直上
untuhun i dolo deyeme kalihai, 飛揚空際
edun aššame sirge guwendeme, 風動絃鳴
terei jilgan yanggar yanggar seme, 其聲泱泱然
yamjitala, 及暮
juwan udu ayan toktokū be dabufi, 燃燈十數
fulgiyan šanyan ishunde giyalame, 紅白相間
futa ninggude hūwaitafi, 繫於繩上
fejergi ci hargašaci, 自下望之
gehun durgiya i adali. 燦如明星