Segue prima: la mori de senior de la Serre
La recorda ariva a la palasio de Versailles en la anio 1776. Arno Dorian joven acompania sua padre Charles a la corte. Charles, avente la aferes importante per discute con la re, dona sua orolojeta a Arno e comanda ce el resta e espeta a la mesma loca. Ma, Arno juosa ia es atraeda par un xica nomida Elise. La du ia fa ruses e ia fura pomas en la patio, causante ce la gardores xasa los a cada parte. Cuando Arno ia evade la gardores e ia reveni a la atrio, el ia trova un fola de persones asemblada. Sua padre ia cade ja a tera e ia mori ja. Arno, deveninte aora un orfan, ia es adotada par François de la Serre, la padre de Elise e ance la grande mestre de la cavalores de la Temple.
Anios ia pasa, e nos ariva a la anio 1789. Esta dia, Arno, aora un adulte, ia perde en un jua de aposta la orolojeta cual ia es la sola ojeto lasada de sua padre. Per regania lo, el ia ave un conflict violente e un xasa con la frates de Victor la forjor. A fini, pos evade sua xasores e reveni a la cason, Arno ia aprende ce senior de la Serre es a punto de sorti, e ce Elise va partisipa a esta sera a un banceta organizada per el en la palasio.
A esta ora, un mesajor ia trae un letera multe importante per senior de la Serre. Arno ia aseta volente la taxe, ma en via el ia es molestada denova par la frates de Victor. A fini, el ia fali trae la letera personal a la padre de Elise e ia pote sola lisca la letera tra la fesur de la porte de la ofisia de senior de la Serre. Alora el ia cambia fretante sua vestes e ia penetra secreta en la selebra de la palasio per vide sua cara Elise.
La du ia reuni a la selebra, e ia pasa un tempo romantica, ma Arno ia es forsada pronto a fuji tra un fenetra. Cuando el ia fuji a la patio, el ia trova ce senior de la Serre ia cade a tera con sua garga perforada par un lama. Arno ia atenta salva el, ma el ia es aresta direta par la gardores arivante. Sin defende, el ia es acusada de la asasina de sua padre par adota.
沒有留言:
張貼留言