Prefasa: la cade de la cavalores de la Temple
La nara comensa con un recorda antica (La trajedia de Jacques de Molay. En la anio 1307, la ordina de la Temple ia es tradida par la re Philippe 4 de Frans e la Pape Clemente 5. En la temple concistada, un cavalor de la Temple ia es comandada a retira, portante un ojeto de potia estrema, "la Spada de Eden", e un libro antica, afin ce los no cade nunca en la manos de la Frateria de la asasinores. Ma, en sua via de retira, un asasinor ia ataca subita e ia prende par forsa la libro. An si la cavalor de la temple ia mata a fini esta asasinor en la scaramuxa, tota ia es ja tro tarda.
Jacques de Molay, la grande mestre de la cavalores de Temple, ia es caturada e ia es liada a la palo. En la flamas, el ia dise un maldise desperante e malvolente: "An la puni la plu cruel no pote cansela la feri cual vos ia causa a la cavalores de la Temple. Me maldise vos! Ta ce vosa linia de sangue es maldiseda asta la jenera des-tre!" De aora, la cavalores de la Temple ia es forsada a va su tera.
La sena cambia a la tempo moderna. La juor, como un esploror de recordas jenetical, reseta un contata de un pirata de rede misteriosa ci clama se "Bispo". El revela la conspira de la corpora multinasional "Abstergo": los usa la recordas jenetical de la popla per xerca la ruinas de la prima sivilia antica, e an atenta falsi la istoria. Per para los, la organiza de la asasinores nesesa la aida de la juor, deveninte un "Inisiada", per tufa en la recordas de la periodo de la revolui franses, per xerca un person-clave nomida "la Saja".
沒有留言:
張貼留言