真女神轉生 I 日記一 吉祥寺

一開始[[佇|tī]]眠夢當中，幫主角[[佮|kah]]ロウヒーロー、カオスヒーロー號名、分配能力。
　我將主角號做兔仔（ウサギ），
　將ロウヒーロー號做小白（シロ）、カオスヒーロー號做小烏（クロ）。

佇夢中會[[佫|koh]]看着一个叫做[[百合子|pek háp tsú]]（ゆりこ）个[[諸姆囡仔|tsa bó' gín á]]，
講伊是汝永遠个同伴，一直咧等汝。

[[與|hō͘']]阿母叫起來了後，發現電腦收着一个[[惡魔召喚程式|ok mô' tiāu hoàn têng sek]]。
講是傳說中个惡魔攏已經精神啊，為着[[卜|beh]]佮[[怹|in]]相戰，必須愛借用惡魔个力量。


行出房間，聽着阿母講，[[昨昏暗|tsāhng àm]]有真濟警察車个聲，一定是有甚物大代誌發生。
講煞了後，着與汝一寡所費，愛汝順續去商店街買咖啡。

【[[吉祥寺|kiat siông sī]]】
[[遘|kàu]]商店街（アーケード街）个咖啡廳（CAFE），會聽着一寡附近个消息。

　＊「佇車站東南爿个迄間病院，聽講怹个院長最近有一點仔奇怪。」


　＊「車站南爿个[[井頭|chén thâu]]公園內底發生[[刣儂|thâi lâng]]事件，真淒慘。」


　＊「佇公園與儂刣死个[[迄|hit]]个儂，概成是佮我仝年級个學生。我足驚欸。」


　＊百合子：「又佫見面咯。無想着會佇[[即|chit]]个所在[[拄|tú]]着汝。嘻嘻嘻。」


　＊「佇藥房後壁面，有一个儂[[揭|giáh]]刀仔佇[[遐|hia]]烏白亂舞。」


去咖啡廳[[共|kā]]頭家買咖啡，伊講汝是老顧客，錢等送咖啡去您兜[[則|chiah]]挈着好。


去藥房（ドラッグストアー）个後壁面看[[覔|bāi]]，果不然有一个儂揭刀仔，叫汝毋通[[倚|óa]]過去。


突然間煞變做[[餓鬼|gō kúi]]（ガキ），衝過來。
但是[[臨邊|liâm pin]]着走去，落一枝刀仔（アタックナイフ）落來。

轉去厝內，入去房間睏，佫開始做眠夢。

夢着一个諸姆囡仔（女主角）卜與儂獻祭。
即時陣會使選擇敢有卜救伊。
若是救伊，屬性會偏向 LAW；若是毋救，會偏向 CHAOS。

叫伊个名（幫伊號名）將伊救落來。
　我將伊號做結衣（ユイ）。

伊講若是家治真正與儂獻祭去，着會叫出恐怖个魔王。
伊佫講，真正卜佮伊見面，是以後个代誌，而且命運注定兩个儂會有一介分別。

醒起來了後，發現電腦佫收着一个自動製圖程式（オートマッピング）。
對即馬開始，行過个所在攏會畫佇地圖頂面，會使隨時查看，安爾着[[勿會|bē]]走毋知路。
行出房間，聽阿母講汝眠夢个時陣，一直叫一个儂个名，[[簡若|kán ná]]是厝邊个醫生怹諸姆[[囝|kiáⁿ]]。

去厝邊[[找|chhōe]]伊，伊講本來卜佮儂去約會，但是四界攏有警察圍起來，無法度去。

即馬開始會佇路頂拄着惡魔，愛去商店街買一寡裝備。
佇商店街會佫聽着一寡新消息。

　＊「[[新宿|sin siok]]遐毋知發生甚物代誌，電車攏總停駛，卜去叨位攏無法度。」


　＊「有一个叫[[小澤|sió ték]]（オザワ）个儂佇咧找結衣。」


　＊「車站南爿出口个回音大樓（エコービル），明明是一个真好个所在，毋知甚物原因，煞攏無咧使用。」
現實中真正有エコービル即棟大樓。佇即个電動咧製造个時陣，即棟大樓嗎真正[[囥|khǹg]]佇遐無咧用。


遘咖啡廳，會聽着頭家講，警察个封鎖簡若得卜解封啊，抑毋過佇公園个入口遐，有一个奇怪个老儂。


來遘公園个入口，着會拄着迄个老儂，講卜試探汝个能力。


續落來開始眠夢，佇夢中佮[[道滿|tō boán]]（超人ドウマン）相戰。完全拍勿會贏。
試驗結束了後，老儂無去。
入去公園內底，遮有邪教館會使做[[仲魔|tiōng mô']]合體，嗎有一个回復道場會使補血。


佇厝个附近，毋知甚物原因，突然間着與警察掠起來關。


牢房內抑佫有一个儂，原來是小白。
伊講怹女朋友失蹤，[[當當|tng tong]]伊咧找怹女朋友个時陣，煞拄着惡魔，續落來着與警察掠來[[遮|chia]]。
伊問汝敢卜幫伊找怹女朋友。回答卜，伊着會加入。
伊講怹女朋友號做結衣，原來着是[[蹛|tòa]]佇您厝邊迄个諸姆囡仔。


趁有儂來將牢房拍開个時陣，小白將伊拍倒，兩个儂做夥逃走。
行出牢房了後，發現遮是病院。

去別間牢房看覔。

　＊「我與儂掠起來，毋知為甚物煞共我送來病院。」


　＊「院長咧做實驗，想卜做出無敵个兵仔，連我嗎變成伊个實驗品。」


其中一間牢房，會拄着一个坐輪椅个儂。
原來伊着是做出惡魔召喚程式个儂。
伊講伊進前佇咧開發[[瞬間移動裝置|sùn kan î tōng tsong tì]]（ターミナル）个時陣，無意中叫出了惡魔。
為着卜將惡魔消滅，家治嗎受着重傷。
所以尾後則會做出惡魔召喚程式，將惡魔收做仲魔。

伊續落來佫講着一个號做五島（ゴトウ）个儂，
知影瞬間移動裝置佮魔界相通了後，着想卜將惡魔叫出來，在伊利用。
所以輪椅男伊則會將惡魔程式分與足濟儂，希望安爾會使阻止傷濟惡魔出現所帶來个混亂。
尾後伊會與汝一个惡魔分析程式。
以後只要拍贏過个惡魔，攏會使佇「COMP > ANALYZE」看着怹个資料。


來遘二樓个院長室。院長問您敢已經做過改造手術啊。


回答「No」，伊着會現出真身[[俄里亞斯|ngô' lí a su]]（墮天使オリアス）。
將伊拍敗了後，離開病院。

遘商店街。

佇生存用品店（SURVIVAL）个隔壁，會看着一陣鱸鰻咧欺負一个少年仔。
[[取|chhōa]]頭个儂着是小澤。與儂欺負个，着是小烏。
等迄陣儂離開，小烏知影您是夢中个迄个主角佮小白了後，着會加入。


本來咧賣古董个迄間店（ANTIQUES），即馬煞開始咧賣銃。
小白佮小烏怹兩个攏已經有銃啊。
等錢若是有夠个時陣，嗎愛會記得來遮幫主角買銃佮銃子。


轉去厝內，發現阿母講話怪怪，
講甚物「汝平安轉來我真歡喜，緊過來遮，我一直攏足愛汝欸，緊過來」。
小白佮小烏嗎發現其中有攲蹺。
原來阿母已經與鬼食去。

[[天逆神|thien gék sîn]]（邪鬼アマノサクガミ）現身。
將伊拍敗了後，會得着一張ID卡。

即个時陣，狗仔巴斯加（パスカル）走入來，順續將伊取走。


去公園內底个邪教館，會使將狗仔佮別个仲魔合體，變成[[地獄犬|tē gák khián]]（魔獣ケルベロス）。

有頭拄仔挈着个迄張ID卡了後，着會使入去車站南爿出口个回音大樓。
即棟大樓總共有五樓，會使坐電梯，嗎會使行樓梯。
但是有个樓棧會有寶箱，若有想卜挈，着愛逐棧樓攏行看覔。

來遘第五棧一間房間內。
佇遮看着个情形，佮公園迄个老儂咧試探个時陣所夢着个情形仝款。

佮道滿（超人ドウマン）相戰。
戰贏了後，入去房間內，原來內底着是瞬間移動裝置。


地獄犬毋知安怎，忽然間對機器若吠若衝過去，
一陣電光閃閃了後，伊煞就安爾無去。

即馬會使佇遮記錄，嗎會使利用即个裝置將家治傳送遘別个所在。
先傳送遘新宿个祕密研究所。