LFN 試寫：Crede de la asasinores: Unia - Segue du

Segue du: un nova asasinor

Arno ia es prisonida en la Bastille malfamosa. En la selula sombre, el ia es depresada. Un otra om, nomida Pierre Bellec, ia es ance prisonida asi. El ia nota la orolojeta en la mano de Arno. Pos un combate e un proba, Bellec ia revela ce la padre de Arno, Charles, ia es un asasinor, ci ia sacrifia se en acel tempo per la libria de umanas. Bellec ia vide la potensia de Arno, e ia deside instrui el en la prison.

Pos alga menses, la sitizanes de Paris ia comensa ataca la prison. Usante la caos, Arno e Bellec ia combate juntada la gardores de prison e a fini ia evade susedosa la prison par salta a su de la Bastille. Ante sua parti, Bellec ia dona un insinia de asasinor a Arno e ia dise a el ce la insinia va gida el a la Frateria de la asasinores.

Arno, pos regania sua libria, ia vade per xerca Elise con un cor plen de culpablia. Ma Elise ia refusa fria el e ia dise un fato cruel a el, cual es ce sua padre e el mesma es ambos cavalores de Temple, e ce la letera cual Arno ia fali trae a François de la Serre en acel dia ia es un letera per averti el ce algun ia vole asasina el. Si Arno ia completi sua taxe en acel tempo, cisa la trajedia no ta aveni.

Arno, reproxante se, ia trova la refuja de la Frateria de la asasinores, situada su tera en un cafe-teatro en la isola de Saint-Louis. Ala, el ia encontra Mirabeau la gidor de la asasinores, la mestre Quemar, e Bellec. Per lava sua pecas e per venja sua padre par adota, Arno ia eleje bevi la acua en un calix, ia completi la rituo e ia deveni un asasinor.